.. तोपर्यंत भारतासोबतचे संबंध पूर्वपदावर येणार नाहीत; शाहबाज

By, Sachin Deshmukh - April 10, 2022 05:30:53

0

विशेष प्रतिनिधी

इस्लामाबाद : इम्रान खान यांचे सरकार सत्तेतून बाहेर पडून नवीन सरकार स्थापन करण्याची प्रक्रिया सुरू झाली आहे. दरम्यान, नवे सरकार भारतासोबतचे संबंध सामान्य करण्यासाठी काम करेल का, असाही मुद्दा उपस्थित होत आहे. Until then, relations with India will not return to normal: Shahbaz

यावर विरोधी पक्षाचे पंतप्रधानपदाचे उमेदवार शाहबाज शरीफ यांनी काश्मीर प्रश्न सुटत नाही तोपर्यंत भारतासोबतचे संबंध सामान्य होणार नाहीत, असे म्हटले आहे. त्याचवेळी, माजी पंतप्रधान नवाझ शरीफ यांच्याविरोधात सुरू असलेल्या खटल्यांबाबत शाहबाज म्हणाले की, त्यांच्यावरील कारवाई कायद्यानुसार सुरू राहील.

इम्रान खान राजकीय डावात क्लीन बोल्ड शाहबाज शरीफ पाकचे नवे पंतप्रधान ?

पंतप्रधानपदासाठी शाहबाज शरीफ यांचे नामांकन

पाकिस्तानमधील संयुक्त विरोधी पक्षाने नव्या पंतप्रधानपदावर मोहर उमटवली आहे. विरोधकांनी पीएमएल-एनचे नेते शाहबाज शरीफ यांची नेता म्हणून निवड केली आहे. रिपोर्ट्सनुसार, त्यांनी उमेदवारीही केली आहे. शाहबाज शरीफ यांनी पाकिस्तानच्या नव्या सरकारला पुढे जायचे असून त्यांना सूडाचे राजकारण करायचे नसल्याचे म्हटले आहे.

पाकिस्तानी मीडियानुसार, इम्रान खान यांच्या पाकिस्तान तेहरीक-ए-इन्साफ (पीटीआय) पक्षाने नॅशनल असेंब्लीमध्ये सामूहिक राजीनामा सादर करण्याचा निर्णय घेतला आहे. नव्या सरकारविरोधात आम्ही आंदोलन सुरू करणार असल्याचं पक्षाचे ज्येष्ठ नेते फवाद चौधरी यांनी म्हटलं आहे.

पाकिस्तान तहरीक-ए-इन्साफ पक्षाने (पीटीआय) देखील आपल्या पंतप्रधानपदाच्या उमेदवाराचे नाव जाहीर केले आहे. पीटीआयने माजी परराष्ट्र मंत्री शाह मेहमूद कुरेशी यांना पंतप्रधानपदाचे उमेदवार म्हणून नाव दिले आहे.