तामिळनाडूतील युवक युक्रेनच्या बाजूने युद्धात सैनिकेश रविचंद्रन; अभ्यासानिमित्त युक्रेन मध्ये । Tamil Nadu youth fights on the side of Ukraine, study in Ukraine

तामिळनाडूतील युवक युक्रेनच्या बाजूने युद्धात सैनिकेश रविचंद्रन; अभ्यासानिमित्त युक्रेन मध्ये

विशेष प्रतिनिधी

नवी दिल्ली : तामिळनाडूतील कोईम्बतूर येथील राहणारा २१ वर्षीय सैनिकेश रविचंद्रन आता रशियाविरुद्ध युध्दात दिसणार आहे. युद्ध सुरू झाल्यानंतर तो युक्रेनच्या सैन्यात सामील झाला. सैनिकेशच्या आई-वडिलांनाही याची माहिती नव्हती. हा प्रकार कळताच त्यांच्याही झोपा उडाल्या. Tamil Nadu youth fights on the side of Ukraine, study in Ukraine

सैनिकेश रविचंद्रन २०१८ मध्ये त्याच्या अभ्यासानिमित्त युक्रेनला गेला होता. तो खार्किव येथील नॅशनल एरोस्पेस विद्यापीठात शिकत होता. त्याचा अभ्यास जुलै २०२२ मध्ये पूर्ण होणार होता, पण त्याआधीच रशियाने युक्रेनवर आक्रमण केले आणि सर्व काही बिघडले.

रशिया-युक्रेन युध्दामुळे चीनचा जीडीपी वृध्दीदर ३0 वर्षांत सर्वात कमी

युद्धानंतर घरातून संपर्क तुटला मीडिया रिपोर्ट्सनुसार, युक्रेनवर रशियाच्या हल्ल्यानंतर सैनिकेशचा त्याच्या घराशी संपर्क पूर्णपणे तुटला होता. येथे, भारत सरकारने युक्रेनमधून भारतीयांना बाहेर काढण्यासाठी ऑपरेशन गंगा सुरू केली, परंतु सैनिकेशबद्दल कोणतीही माहिती न मिळाल्याने त्याच्या पालकांनी युक्रेनमधील भारतीय दूतावासाशी संपर्क साधला.

जेव्हा दूतावासाच्या अधिकाऱ्यांनी माहिती घेतली, तेव्हा असे समोर आले की सैनिकेश आता युक्रेनच्या सैन्याचा भाग झाला आहे. त्याने सांगितले की, रशियाविरुद्ध युद्ध लढण्यासाठी तो युक्रेनच्या सैन्यात सामील झाला होता.