जाणून घ्या, त्यांनी काय व्यक्त केली चिंता?
विशेष प्रतिनिधी
नवी दिल्ली: लोकसभा निवडणुकीच्या प्रचारादरम्यान, ज्येष्ठ वकील हरीश साळवे यांच्यासह देशातील ६०० वकिलांनी सर्वोच्च न्यायालयाचे सरन्यायाधीश डीवाय चंद्रचूड यांना पत्र लिहिले. ज्यामध्ये त्यांनी न्यायव्यवस्थेवर प्रश्न उपस्थित करण्याबाबत चिंता व्यक्त केली होती. 600 lawyers of the country including Harish Salve wrote a letter to CJI Chandrachud
हे पत्र ज्येष्ठ वकील हरीश साळवे, मनन कुमार मिश्रा, आदिश अग्रवाल, चेतन मित्तल, पिंकी आनंद, हितेश जैन, उज्ज्वला पवार, उदय होला, स्वरूपमा चतुर्वेदी आणि देशभरातील ६०० हून अधिक वकिलांच्या वतीने CJI चंद्रचूड यांना पाठवण्यात आले आहे. एक विशिष्ट गट न्यायव्यवस्थेची अखंडता कमकुवत करण्याचा प्रयत्न करत असल्याचे पत्रामध्ये म्हटले आहे. त्यावर त्यांनी गंभीर चिंता व्यक्त केली आहे.
सरन्यायाधीशांना लिहिलेल्या पत्रात वकिलांनी म्हटले आहे की, हा गट न्यायालयीन निर्णयांवर प्रभाव टाकण्यासाठी दबावतंत्राचा अवलंब करत आहे. यामध्ये विशेषतः राजकीय व्यक्तींशी संबंधित प्रकरणे आणि भ्रष्टाचाराच्या आरोपांचा समावेश आहे. या कृतींमुळे लोकशाही संरचना आणि न्यायिक प्रक्रियांवर ठेवलेल्या विश्वासाला महत्त्वपूर्ण धोका निर्माण झाला आहे, असे या पत्रात म्हटले आहे. सरन्यायाधीशांना लिहिलेल्या पत्रात वकिलांनी म्हटले आहे की, हा विशिष्ट गट न्यायव्यवस्थेच्या तथाकथित ‘सुवर्णयुगा’बद्दल खोट्या कथा पसरवत आहे. ज्याचा उद्देश सध्याच्या न्यायालयीन कामकाजाला बदनाम करणे आणि न्यायालयावरील जनतेचा विश्वास कमी करणे हा आहे.
To be published, comments must be reviewed by the administrator.*
Our website uses cookies to improve your experience. Learn more