Government Guidelines for Children infected with corona, instructions not to use remdesivir

Government Guidelines for Children : कोरोना संक्रमित बालकांसाठी नवी गाइडलाइन, रेमडेसिव्हिरचा वापर न करण्याचे निर्देश

Government Guidelines for Children : देशातील कोरोनाची संभाव्य तिसरी लाट लक्षात घेऊन केंद्र सरकारने ती रोखण्यासाठी सर्व प्रयत्न चालवले आहेत. अनेक तज्ज्ञांच्या मते, जर कोरोनाची तिसरी लाट आली तर त्याचा सर्वात मोठा परिणाम मुलांवर होऊ शकतो. या सर्व बाबी लक्षात घेऊन केंद्र सरकारने 18 वर्षांपेक्षा कमी वयाच्या मुलांना कोरोना झाल्यास त्यांच्यावरील उपचारांसाठी एक नवीन मार्गदर्शक सूचना जारी केली आहे. Government Guidelines for Children infected with corona, instructions not to use remdesivir


विशेष प्रतिनिधी

नवी दिल्ली : देशातील कोरोनाची संभाव्य तिसरी लाट लक्षात घेऊन केंद्र सरकारने ती रोखण्यासाठी सर्व प्रयत्न चालवले आहेत. अनेक तज्ज्ञांच्या मते, जर कोरोनाची तिसरी लाट आली तर त्याचा सर्वात मोठा परिणाम मुलांवर होऊ शकतो. या सर्व बाबी लक्षात घेऊन केंद्र सरकारने 18 वर्षांपेक्षा कमी वयाच्या मुलांना कोरोना झाल्यास त्यांच्यावरील उपचारांसाठी एक नवीन मार्गदर्शक सूचना जारी केली आहे. यामध्ये कोरोनावरील उपचारांसाठी मुलांना रेमडिसिव्हिर न देण्याच्या स्पष्ट सूचना देण्यात आल्या आहेत. यासह सीटी स्कॅन अत्यंत आवश्यक असतानाच करा, असे सांगण्यात आले आहे. आरोग्य मंत्रालयांतर्गत आरोग्य सेवा महासंचालनालयाने (डीजीएचएस) ही मार्गदर्शक तत्त्वे जारी केली आहेत. याव्यतिरिक्त त्यात असेही नमूद करण्यात आले आहे की, “18 वर्षांखालील मुलांमध्ये रेमडेसिव्हिरच्या परिणामाबद्दल आणि त्यांच्यासाठी ते किती सुरक्षित आहे याबद्दल अद्याप पुरेसा डेटा उपलब्ध नाही.”

मुलांमध्ये गरजेनुसारच सीटी स्कॅन करावे

डीजीएचएसने आपल्या मार्गदर्शक सूचनेत म्हटले आहे की, मुलांच्या बाबतीत सीटी स्कॅनचा वापर रुग्णालयांनी विचारपूर्वकच केला पाहिजे. फुफ्फुसातील संक्रमणाची स्थिती शोधण्यासाठी कोरोना रुग्णांचे सीटी स्कॅन केले जाते. त्यानुसार, “सीटी स्कॅनदरम्यान प्राप्त झालेल्या कोणत्याही अतिरिक्त माहितीस रुग्णाच्या उपचारात घेतलेल्या निर्णयाला फारसे महत्त्व नसते. ते कसे पोहोचले यावर अवलंबून असते. म्हणूनच मुलांमध्ये कोरोना उपचार करताना डॉक्टरांनी त्याचा वापर सूज्ञपणे आणि केवळ जेव्हा आवश्यक असेल तेव्हा केला पाहिजे.

लक्षणे नसताना स्टिरॉइड्सचा वापर हानिकारक

डीजीएचएसच्या मार्गदर्शक सूचनांनुसार, सौम्य आणि असिम्प्टोमॅटिक कोरोनाच्या बाबतीत त्यांच्यासाठी स्टिरॉइड्सचा वापर हानिकारक सिद्ध होऊ शकतो. यामुळे साधारण ते गंभीर रुग्णांसाठीच रुग्णालयांत याचा वापर केला जावा. यासोबतच तज्ज्ञांच्या देखरेखीखालीच रुग्णांना स्टेरॉइड्स दिले जावे.

या मार्गदर्शक तत्त्वात असे नमूद केले आहे की, “योग्य वेळी स्टिरॉइड्स वापरणे आवश्यक आहे. तसेच त्याच्या योग्य डोस आणि त्याच्या वेळेबाबत सावधगिरी बाळगण्याची गरज आहे. लोकांनी या स्टिरॉइड्सचा वापर स्वतःच करू नये, हे धोकादायक ठरू शकते.”

मुलांसाठी 6 मिनिट वॉक टेस्टचा सल्ला

डीजीएचएसने आपल्या मार्गदर्शक तत्त्वानुसार 12 वर्षांवरील मुलांना बोटात ऑक्सिमीटर लावून 6 मिनिट वॉक टेस्ट घेण्याचा सल्ला दिला आहे. या चाचणीद्वारे कोरोना संक्रमित मुलांच्या शारीरिक क्षमतेचे मूल्यांकन करण्याचा सल्ला देण्यात आला आहे. ही चाचणी पालकांच्या देखरेखीखाली करण्यास सांगितले गेले आहे. यादरम्यान, जर त्याचा सॅच्युरेशन 94 पेक्षा कमी असल्याचे आढळून आले आणि त्यांना श्वास घेण्यात त्रास होत असेल तर त्यांना रुग्णालयात दाखल करण्याचा निर्णय घेतला जाऊ शकतो. तसेच, दम्याचा त्रास असलेल्या मुलांसाठी ही चाचणी नाही, असेही या मार्गदर्शक सूचनेत म्हटले आहे.

मार्गदर्शक तत्त्वानुसार, सौम्य संसर्गाच्या बाबतीत, पॅरासिटामोलचे डोस 10-15 मिलिग्राम / किग्रा दिले जाऊ शकते. हा डोस दर 4 ते 6 तासांनी दिला जाऊ शकतो. मध्यम बाबतीत, त्वरित ऑक्सिजन थेरपी देण्याचे सांगितले गेले आहे.

Government Guidelines for Children infected with corona, instructions not to use remdesivir

महत्त्वाच्या बातम्या