Mumbai Building Collapse : इमारत दुर्घटनेतील मृतांच्या कुटुंबीयांना प्रत्येकी 5 लाखांची मदत; मुख्यमंत्र्यांनी जखमींची घेतली भेट

By, shreekant patil - June 10, 2021 04:00:13

0

CM Uddhav Thackeray announces Rs 5 lakh assistance to kin of deceased in Mumbai Building Collapse in Malad Malvani

मालाडच्या मालवणी भागात इमारत कोसळून झालेल्या दुर्घटनेत 11 जणांचा मृत्यू झाला. या दुर्घटनेमध्ये एकाच कुटुंबातील 9 जणांचा मृत्यू झाल्याने सर्वत्र हळहळ व्यक्त होत आहे. दरम्यान, मुख्यमंत्री उद्धव ठाकरे, पर्यावरण मंत्री आदित्य ठाकरे आणि महापौर किशोरी पेडणेकर यांनी मालवणीत जाऊन दुर्घटनेतील जखमींची विचारपूस केली. तसेच दुर्घटनेतील मृतांच्या कुटुंबीयांना प्रत्येकी पाच लाखांची मदत जाहीर करण्यात आली आहे. CM Uddhav Thackeray announces Rs 5 lakh assistance to kin of deceased in Mumbai Building Collapse in Malad Malvani

विशेष प्रतिनिधी

मुंबई : मालाडच्या मालवणी भागात इमारत कोसळून झालेल्या दुर्घटनेत 11 जणांचा मृत्यू झाला. या दुर्घटनेमध्ये एकाच कुटुंबातील 9 जणांचा मृत्यू झाल्याने सर्वत्र हळहळ व्यक्त होत आहे. दरम्यान, मुख्यमंत्री उद्धव ठाकरे, पर्यावरण मंत्री आदित्य ठाकरे आणि महापौर किशोरी पेडणेकर यांनी मालवणीत जाऊन दुर्घटनेतील जखमींची विचारपूस केली. तसेच दुर्घटनेतील मृतांच्या कुटुंबीयांना प्रत्येकी पाच लाखांची मदत जाहीर करण्यात आली आहे.

मालाड येथे इमारत कोसळून दुर्देवाने मृत्युमुखी पडलेल्या रहिवाशांच्या वारसांना शासनातर्फे प्रत्येकी ५ लाख रुपये देण्याची तसेच जखमींच्या उपचारांचा खर्च करण्याची घोषणा मुख्यमंत्री उद्धव बाळासाहेब ठाकरे यांनी केली.

— CMO Maharashtra (@CMOMaharashtra) June 10, 2021

मुख्यमंत्री उद्धव ठाकरे यांनी आज सकाळी कांदिवलीतील डॉ. बाबासाहेब आंबेडकर पालिका रुग्णालयात ( शताब्दी रुग्णालय) जाऊन जखमींची विचारपूस केली. याप्रसंगी आदित्य ठाकरे, महापौर किशोरी पेडणेकर, महापालिका आयुक्त इक्बाल सिंह चहल, जिल्हाधिकारी मिलिंद बोरीकर, महापालिकेचे सहआयुक्त चंद्रशेखर चोरे, उपायुक्त विश्वास शंकरवार आणि अधिकारी उपस्थित होते. मुख्यमंत्र्यांनी रुग्णांची विचारपूस करत डॉक्टरांशी चर्चा करून या जखमींच्या प्रकृतीचा आढावा घेतला.

मुख्यमंत्री उद्धव बाळासाहेब ठाकरे यांनी मालाड येथील दुर्घटनाग्रस्त इमारतीतील जखमी रहिवाशांची डॉ. बाबासाहेब आंबेडकर पालिका रुग्णालय येथे जाऊन विचारपूस केली. pic.twitter.com/R5o0YnljO9

— CMO Maharashtra (@CMOMaharashtra) June 10, 2021

जखमींच्या उपचाराचा खर्च शासनातर्फे

मालाड येथील इमारत कोसळल्याच्या दुर्घटनेतील मृतांच्या वारशांना प्रत्येकी 5 लाख रुपये देण्याची तसेच जखमीच्या उपचारांचा सर्व खर्च करण्याची घोषणा मुख्यमंत्री उद्धव ठाकरे यांनी केली आहे. या दुर्घटनेबद्दल मुख्यमंत्र्यांनी तीव्र शोक व्यक्त केला. मुख्यमंत्र्यांनी काल रात्रीच या घटनेची माहिती मिळताच पालिका आयुक्तांशी चर्चा केली तसेच मदत व बचाव कार्य काळजीपूर्वक पार पाडण्याचे निर्देश दिले होते.

11 जणांचा मृत्यू

मालाड पश्चिमधील मालवणी भागातील चार मजली इमारत कोसळल्याने 11 जणांचा मृत्यू झाला आहे. या मृतांमध्ये लहान मुलांपासून ज्येष्ठांचा समावेश आहे. तर 7 जण गंभीर जखमी झाले आहेत. मृतांमध्ये सहा लहान मुलांचा समावेश आहे. ही सर्व मुले 10 वर्षांच्या आतील आहेत. या जखमींवर सध्या कांदिवलीतील शताब्दी आणि आजूबाजूच्या खासगी रुग्णालयांत उपचार सुरू आहेत.

CM Uddhav Thackeray announces Rs 5 lakh assistance to kin of deceased in Mumbai Building Collapse in Malad Malvani

महत्त्वाच्या बातम्या