धोतरं कसली पेटवताय??; "या"वरून महाराष्ट्र पेटला पाहिजे; मानपाड्यात ३० जणांचा अल्पवयीन मुलीवर सामूहिक बलात्कार|Gangrape on minor in manpada dombivli

धोतरं कसली पेटवताय??; “या”वरून महाराष्ट्र पेटला पाहिजे; मानपाड्यात ३० जणांचा अल्पवयीन मुलीवर सामूहिक बलात्कार

प्रतिनिधी

मुंबई : राज्यपालांचे धोतर पेटवायला निघालेल्या शिवसेनेच्या मुख्यमंत्र्यांच्या राज्यात महिला किती असुरक्षित आहेत हे उघड्यावर आणणारा एक अत्यंत गंभीर आणि संतापजनक प्रकार डोंबिवलीच्या मानपाडा इथं घडला आहे.Gangrape on minor in manpada dombivli

डोंबिवलीत एका अल्पवयीन मुलीवर सामूहिक बलात्कार करण्यात आल्याची धक्कादायक घटना समोर आली आहे. डोंबिवली पूर्वेला मानपाडा पोलीस स्टेशनच्या हद्दीत हा सर्व प्रकार घडला. पोलिसांनी याप्रकरणी आरोपींविरोधात पॉक्सोअंतर्गत गुन्हा दाखल केला आहे. पीडित मुलगी १४ वर्षांची अल्पवयीन आहे. आरोपींचा शोध सध्या सुरु आहे.

महाराष्ट्रात साकारला सिलिकॉनचा पहिला पुतळा, जिवंत माणसासारखा हुबेहूब; सांगलीत वडिलांच्या स्मरणार्थ मुलाने बनवला

पोलीस सूत्रांनी दिलेल्या माहितीनुसार, बुधवारी सकाळी हा सगळा प्रकार उघडकीस आला. डोंबिवलीच्या भोपर परिसरात ही घटना घडली आहे. १४ वर्षीय अल्पवयीन मुलीवर तब्बल ३० आरोपींनी मिळून सामूहिक बलात्कार केला. आरोपींमधील २२ जणांना मानपाडा पोलिसांनी ताब्यात घेतले आहे.

मिळालेल्या माहितीनुसार, अल्पवयीन मुलीच्या प्रियकराने जानेवारीमध्ये बलात्कार करताना व्हिडीओ काढला आहे. या व्हिडीओच्या आधारे मुलीला ब्लॅकमेल केलं जात होतं. यानंतर मुलीला फार्म हाऊसवर नेऊन आरोपींकडून आळीपाळीने बलात्कार करण्यात आला. बुधवारी हा सगळा प्रकार उघडकीस आला असून मानपाडा पोलिसांकडून कारवाई केली जात आहे.