फाशी दिलेल्या हजारा नेत्याचा पुतळा तालिबानी दहशतवाद्यांकडून उद्वस्त, महिला गव्हर्नरही ताब्यात|Taliban starts misuse of power

फाशी दिलेल्या हजारा नेत्याचा पुतळा तालिबानी दहशतवाद्यांकडून उद्वस्त, महिला गव्हर्नरही ताब्यात

विशेष प्रतिनिधी

काबूल – बळाच्या जोरावर सत्ता काबीज केल्यानंतर अफगाण जनतेला माफ केल्याची उदारता दाखविणाऱ्या तालिबानने आता उन्माद सुरु केला आहे. १९९५ मध्ये ज्यांना फाशी दिले त्या नेत्याचा बामियानमधील पुतळा जमीनदोस्त करण्याचे कृत्य तालिबान्यांनी तातडीने केले आहे.Taliban starts misuse of power

याआधी सत्ता ताब्यात असताना तालिबान्यांनी याच परिसरातील बुद्धाच्या भव्य पुतळ्यांची विटंबना केली होती. या काळ्या इतिहासाच्या घातक पुनरावृत्तीचे स्पष्ट संकेतच या कृत्याद्वारे देण्यात आले.मानवी हक्क कार्यकर्ते सलीम जावेद यांच्या एका ट्विटनंतर ही घडामोड व्हायरल झाली.

तालिबानी सत्तेला एकतर्फी मान्यता नको, अफगानी नागरिकांसाठी ब्रिटनने जाही कली पुनर्वसन योजना

त्यांनी म्हटले आहे की, …तर तालिबान्यांनी हाजरा नेते अब्दुल अली मजारी यांचा बामियानमधील पुतळा उद्धस्त केलाय. मागील वेळी त्यांना फाशी देण्यात आली होती, बुद्धाचे पुतळे पाडण्यात आले. बहुतेक ऐतिहासिक आणि पुरातन स्मारके पाडण्यात आली. कथित सामुहीक माफीचा हा अतिरेकच म्हणायचा…

दरम्यान, सलीमा मजारी यांना तालिबानने ताब्यात घेतल्याच्या वृत्तास हजारा जमातीच्या सूत्रांनी ट्विटद्वारे दुजोरा दिला. जिल्हा गव्हर्नर पदावर असलेल्या अफगाणिस्तानमधील अल्प महिलांमध्ये त्यांचा समावेश आहे. त्या चाहार्किंत-बल्ख या हजारा जिल्ह्याच्या गव्हर्नर आहेत.