हुकूमशहाने वजन केले कमी, सडपातळ किम जोंग उनचे फोटो व्हायरल, देशातील अन्नाच्या तुटवड्यामुळे कमी करताहेत जेवण! । Dictator loses weight, slim Kim Jong Uns photo goes viral, food shortages due to food shortages in the country

हुकूमशहाने वजन केले कमी, सडपातळ किम जोंग उनचे फोटो व्हायरल, देशातील अन्नाच्या तुटवड्यामुळे कमी करताहेत जेवण!

उत्तर कोरियाचे नेते किम जोंग यांचे वजन कमी झाले आहे. वजन कमी केल्यानंतर सरकारी माध्यमांनी जारी केलेल्या छायाचित्रांमध्ये किम खूपच सडपातळ दिसत आहेत. किम जोंग यांचे नवीन छायाचित्र कोरियन सेंट्रल न्यूज एजन्सीने (KCNA) प्रसिद्ध केले आहे. या आठवड्यात झालेल्या सत्ताधारी पक्षाच्या वार्षिक सभेला त्यांनी हजेरी लावली होती. त्याच वेळी या महिन्याच्या सुरुवातीला काकांच्या मृत्यूनंतर त्यांची ही पहिलीच सार्वजनिक उपस्थिती आहे. Dictator loses weight, slim Kim Jong Uns photo goes viral, food shortages due to food shortages in the country

वृत्तसंस्था

नवी दिल्ली : उत्तर कोरियाचे नेते किम जोंग यांचे वजन कमी झाले आहे. वजन कमी केल्यानंतर सरकारी माध्यमांनी जारी केलेल्या छायाचित्रांमध्ये किम खूपच सडपातळ दिसत आहेत. किम जोंग यांचे नवीन छायाचित्र कोरियन सेंट्रल न्यूज एजन्सीने (KCNA) प्रसिद्ध केले आहे. या आठवड्यात झालेल्या सत्ताधारी पक्षाच्या वार्षिक सभेला त्यांनी हजेरी लावली होती. त्याच वेळी या महिन्याच्या सुरुवातीला काकांच्या मृत्यूनंतर त्यांची ही पहिलीच सार्वजनिक उपस्थिती आहे.

डेली मेलमधील वृत्तानुसार, बैठकीत उपस्थित असलेल्या सरकारी अधिकाऱ्यांनी त्यांच्या पक्षाला आणि तेथे काम करणाऱ्या लोकांना मार्गदर्शन करण्यासाठी बोलावले होते. मिळालेल्या माहितीनुसार, पाच फूट सात इंच उंची असलेल्या किम जोंगचे वजन गेल्या वर्षी 140 किलो इतके होते.

विज्ञानाची गुपिते : वजन कमी करण्यासाठी आता घ्या चक्क रक्तगटानुसार आहार

द सनच्या वृत्तानुसार, किमला लॉबस्टर खायला आवडतात. त्याचवेळी अधिकाऱ्यांनी सांगितले की, उत्तर कोरियाचे लोक उपासमार आणि गरिबीचा सामना करत आहेत. त्यामुळे हुकूमशहा किमने स्वत:चा आहार कमी केला आहे.

उत्तर कोरियात तीव्र अन्न टंचाई

या बैठकीत हुकूमशहा किमने वर्कर्स पार्टीच्या लोकांसोबत आगामी वर्षाची आपली योजना सांगितली. मिळालेल्या माहितीनुसार, सोमवारी झालेल्या या बैठकीत सर्व उच्च सरकारी अधिकारी आणि लष्कराचे जनरल सामील होते. मात्र, अन्नसमस्येशिवाय इतर कोणत्या मुद्द्यांवर बैठकीत चर्चा झाली, याबाबत माहिती देण्यात आली नाही.

नागरिकांनी कमी खाण्याचे आवाहन

उत्तर कोरियामध्ये अन्नाच्या कमतरतेमुळे किम जोंग-उनने जेवण कमी केल्याचे सांगितले जात आहे. सरकारी अधिकाऱ्यांच्या म्हणण्यानुसार, किम जोंग-उनने आपल्या नागरिकांना परिस्थिती सामान्य होईपर्यंत कमी अन्न खाण्याचे आवाहन केले आहे.

तब्बल 8,60,000 टन अन्नधान्याची कमतरता

ऑक्टोबरमध्ये किम जोंग-उनने देशातील नागरिकांना आवाहन केले होते की, जोपर्यंत उत्तर कोरिया 2025 मध्ये चीनसोबतची सीमा पुन्हा उघडत नाही, तोपर्यंत लोकांना कमी अन्न खावे लागेल. संयुक्त राष्ट्रांच्या अन्न आणि कृषी संघटनेने अंदाज व्यक्त केला आहे की उत्तर कोरियामध्ये यावर्षी सुमारे 860,000 टन अन्नधान्याची कमतरता आहे.