Weather Alert : काश्मिरात हिमवृष्टी, तमिळनाडूत मुसळधार पाऊस, 5 जिल्ह्यांत शाळा बंद; मध्य प्रदेशात ऑरेंज अलर्ट|Weather Alert Snowfall in Kashmir, torrential rain in Tamil Nadu, schools closed in 5 districts; Orange alert in Madhya Pradesh

Weather Alert : काश्मिरात हिमवृष्टी, तमिळनाडूत मुसळधार पाऊस, 5 जिल्ह्यांत शाळा बंद; मध्य प्रदेशात ऑरेंज अलर्ट

वृत्तसंस्था

नवी दिल्ली : देशातील डोंगराळ भागात हिमवृष्टी आणि मैदानी भागात पावसामुळे थंडी वाढली आहे. जम्मू-काश्मीरमध्ये गुरुवारी सकाळपासून मुसळधार हिमवृष्टी होत आहे. हिमवृष्टीनंतर गुलमर्गचे किमान तापमान उणे 1 अंशावर पोहोचले.Weather Alert Snowfall in Kashmir, torrential rain in Tamil Nadu, schools closed in 5 districts; Orange alert in Madhya Pradesh

तमिळनाडूमध्ये गेल्या तीन दिवसांपासून सुरू असलेल्या पावसामुळे पूरस्थिती निर्माण झाली आहे. रस्ते जलमय झाले आहेत. चेन्नई, तिरुवल्लूरसह 5 जिल्ह्यांमध्ये शाळा बंद करण्यात आल्या आहेत. चेन्नईच्या अरक्कोनम शहरात एनडीआरएफला स्टँडबाय ठेवण्यात आले आहे.

Weather Alert : पुढील तीन दिवस महाराष्ट्रात पुन्हा मुसळधार पाऊस, येत्या 24 तासांत 24 जिल्ह्यांमध्ये सतर्कतेचा इशारा

मध्य प्रदेशातील 14 जिल्ह्यांत ऑरेंज अलर्ट

भोपाळ, उज्जैनसह अनेक शहरांत पाऊस झाला. इंदूर विमानतळावर दाट धुक्यामुळे सकाळी 9.30 वाजेपर्यंत लँड होणारी 5 उड्डाणे अहमदाबादकडे वळवावी लागली. चंदीगडमध्ये कालपासून मुसळधार पाऊस पडत आहे. IMD ने गुरुवारी राजस्थान, पंजाब, हरियाणा, केरळ, तामिळनाडूसह अनेक राज्यांमध्ये पावसाचा इशारा दिला आहे.

Weather Alert: देशात अनेक भागात बदलले हवामान, आयएमडीने आठवडाभरासाठी जारी केला अलर्ट

तमिळनाडूतील चेन्नईसह 12 जिल्ह्यांमध्ये मुसळधार पावसाचा इशारा

बंगालच्या उपसागरात कमी दाबाचे क्षेत्र तयार झाल्यामुळे तमिळनाडूमध्ये पाऊस पडत असल्याचे IMD ने म्हटले आहे. हवामान खात्याने आज चेन्नई, चेंगलपट्टू, वेल्लोर, पुदुकोट्टईसह 12 जिल्ह्यांमध्ये मुसळधार पाऊस आणि वादळाचा इशारा दिला आहे. चेन्नईमध्ये परिस्थिती सर्वात वाईट आहे. पेरांबूर लोको रेल्वे स्टेशनचा बोगदा पाण्याने भरला आहे.

ग्रेटर चेन्नई कॉर्पोरेशनचे आयुक्त डॉ जे राधाकृष्णन म्हणाले की मुख्यमंत्री पूर परिस्थितीवर लक्ष ठेवून आहेत. चेन्नईमध्ये 15 आयएएस अधिकारी आणि 16 हजार कर्मचारी तैनात करण्यात आले आहेत. 2 आणि 3 डिसेंबर रोजी होणाऱ्या अतिवृष्टीबाबत चेन्नई आणि आसपासच्या जिल्ह्यांमध्ये ऑरेंज अलर्ट लागू आहे.

1 डिसेंबर रोजी 16 राज्यांमध्ये पाऊस आणि हिमवृष्टीचा अंदाज

खासगी हवामान संस्था स्कायमेटच्या मते, 1 डिसेंबर रोजी तामिळनाडू, केरळ, कर्नाटक, महाराष्ट्र आणि मध्य प्रदेशात हलका ते मध्यम पाऊस पडू शकतो. जम्मू-काश्मीर आणि हिमाचल प्रदेशात पाऊस आणि हिमवृष्टीची शक्यता आहे. उत्तराखंड, पंजाब, हरियाणा, दिल्ली, उत्तर प्रदेश, राजस्थान, बिहार, छत्तीसगड आणि आंध्र प्रदेशच्या काही भागात हलका पाऊस पडू शकतो.