कोणताही AI तुमची नोकरी हिरावून घेऊ शकत नाही!; लखनौमधून मोदींचा तरुणांना मंत्र, IIT प्रमाणेच ITI विद्यार्थ्यांनाही मिळणार सन्मान!

PM Modi

विशेष प्रतिनिधी

लखनौ:पंतप्रधान नरेंद्र मोदी यांनी शनिवारी लखनौ येथे आयोजित 5 व्या राष्ट्रीय कौशल्य दीक्षांत समारंभाला हजेरी लावत देशभरातील गुणवंतांचा सत्कार केला. आधुनिक युगात एआयमुळे (AI) नोकऱ्या जातील अशी भीती व्यक्त केली जात असली, तरी ज्यांच्याकडे कौशल्य आहे त्यांचा रोजगार कोणीही हिरावून घेऊ शकत नाही, असे ठाम प्रतिपादन पंतप्रधान मोदींनी केले. या वेळी त्यांनी समाजाची मानसिकता बदलण्याचा निर्धार व्यक्त करत आयटीआयच्या (ITI) विद्यार्थ्यांना आयआयटीच्या (IIT) विद्यार्थ्यांइतकाच सन्मान दिला जाईल, अशी मोठी घोषणा केली. तत्पूर्वी, हरिद्वार येथे आपल्या मातोश्री सावित्री देवी यांच्यावर अंत्यसंस्कार करून दुपारी लखनौला पोहोचलेले मुख्यमंत्री योगी आदित्यनाथ यांच्याशी पंतप्रधानांनी संवाद साधला.PM Modi

जगाला पदवीधरांपेक्षा ITI कारागिरांची अधिक गरज; 10 वर्षांत 5 हजार नवे आयटीआय

कौशल्य विकासाचे महत्त्व सांगताना पंतप्रधान मोदी म्हणाले की, जेव्हा मी सौदी अरेबिया किंवा दुबईला जातो, तेव्हा तिथली राजघराणी अभिमानाने सांगतात की ही भव्य शहरे भारतीय कारागिरांच्या कौशल्याने उभी राहिली आहेत. आज भारतासोबत करार करणारे जगभरातील देश विद्यापीठातील पदवीधरांऐवजी दरवर्षी लाखो आयटीआय पदवीधरांची मागणी करत आहेत. पूर्वी पदवीदान समारंभ केवळ महाविद्यालये आणि विद्यापीठांमध्ये व्हायचे, मात्र आम्ही ‘श्रमेव जयते’च्या भावनेतून आयटीआय विद्यार्थ्यांसाठी हा सन्मान सुरू केला. 2014 पासून गेल्या 10 वर्षांत सरकारने सुमारे 5,000 नवीन आयटीआयची निर्मिती केली असून मुलींची संख्या अडीच पटींपेक्षा जास्त वाढली आहे. पश्चिम आशियातील युद्धजन्य संकटात घरोघरी पीएनजी जोडण्या देण्याच्या मोहिमेवेळी देशात कुशल प्लंबरची मोठी गरज भासली होती, तसेच कोविड काळातही कुशल कामगारांनीच देशाला सावरले होते, याची आठवण मोदींनी करून दिली.PM Modi



उत्तर प्रदेश आता द्रुतगती मार्गांचे राज्य; ब्रह्मोस क्षेपणास्त्रही येथेच बनते

मुख्यमंत्री योगी आदित्यनाथ यांच्या नेतृत्वाखाली उत्तर प्रदेशात झालेल्या बदलांचे पंतप्रधानांनी कौतुक केले. काशी दौऱ्यातील एका मुलीचा अनुभव सांगताना मोदी म्हणाले की, पूर्वी सूर्यास्तानंतर मुलींना घराबाहेर पडणे कठीण होते, पण आज उत्तर प्रदेशात सुरक्षित वातावरण निर्माण झाल्याने मुली रात्री 11 वाजेपर्यंत कारखान्यात काम करून सुखरूप घरी परततात. आज उत्तर प्रदेश हे द्रुतगती मार्गांचे राज्य बनले असून येथे विमानतळे, मोठी विद्यापीठे आणि चिप फॅक्टरी उभारली जात आहे. इतकेच नव्हे तर ‘ऑपरेशन सिंदूर’ दरम्यान शत्रूची झोप उडवणारे ब्रह्मोस क्षेपणास्त्रही उत्तर प्रदेशातच तयार होत आहे. तसेच, पुढील वर्षी 2027 मध्ये भारत ‘वर्ल्ड स्किल्स आशिया’ स्पर्धेचे आयोजन करणार असून हा सोहळा उत्तर प्रदेशातील नोएडा येथे पार पडेल, अशी माहितीही त्यांनी दिली.

50 कोटी लोक गरिबीतून बाहेर; केवळ कागदी प्रमाणपत्रांची मानसिकता बदला

स्वातंत्र्योत्तर भारतातील सर्वात मोठी उपलब्धी म्हणजे देशातील 50 कोटी लोक गरिबीतून बाहेर आले आहेत, असे सांगत या मोहिमेने कुशल कामगारांसाठी लाखो संधी निर्माण केल्याचे मोदींनी नमूद केले. स्वातंत्र्यानंतरची गुलामगिरीची मानसिकता सोडून केवळ कागदी प्रमाणपत्रांऐवजी प्रत्यक्ष कौशल्याला महत्त्व देण्याचे आवाहन त्यांनी केले. एक वर्षापूर्वी गरज नसल्यास सोने खरेदी टाळण्याचे आवाहन केल्यानंतर लोकांनी ते ऐकले आणि सोन्याचे भाव घसरून सामान्य नागरिकांचे पैसे वाचले, तसेच 2023 मध्ये सार्वजनिक क्षेत्रातील उपक्रमांत (PSUs) गुंतवणूक करण्याचा सल्ला मानणारे आज श्रीमंत झाले, असे दाखले देत पंतप्रधानांनी तरुणांना मोठी स्वप्ने पाहण्याचे आणि कौशल्ये विकसित करण्याचे आवाहन केले.

PM Modi on AI and Jobs: Skilled Workers Cannot Lose Jobs, ITI Students to Get Respect Like IITians

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात