आजपासून 17 व्या लोकसभेचे शेवटचे हिवाळी अधिवेशन; 19 दिवसांत 21 विधेयके मांडणार; महुआ मोइत्रांच्या निष्कासनाव अध्यक्ष निर्णय घेणार|Last winter session of 17th Lok Sabha from today; 21 bills to be tabled in 19 days

आजपासून 17 व्या लोकसभेचे शेवटचे हिवाळी अधिवेशन; 19 दिवसांत 21 विधेयके मांडणार; महुआ मोइत्रांच्या निष्कासनाव अध्यक्ष निर्णय घेणार

विशेष प्रतिनिधी

नवी दिल्ली : संसदेचे हिवाळी अधिवेशन 4 डिसेंबरपासून सुरू होत आहे. हे सत्र 22 डिसेंबरपर्यंत चालणार आहे. 19 दिवसांत 15 बैठका होणार आहेत. 17व्या लोकसभेचे हे 14 वे अधिवेशन असेल आणि स्वातंत्र्यानंतरचे 262 वे अधिवेशन असेल. यामध्ये 19 विधेयके आणि 2 आर्थिक बाबींवर चर्चा होणार आहे.Last winter session of 17th Lok Sabha from today; 21 bills to be tabled in 19 days

हिवाळी अधिवेशनात IPC, CrPC आणि पुरावा कायदा बदलणारी तीन महत्त्वाची विधेयके संमत करण्यावर विचार केला जाऊ शकतो.

4 डिसेंबरपासून संसदेचे हिवाळी अधिवेशन; निवडणूक निकालांचा परिणाम; महुआ-राघव चढ्ढा यांच्या मुद्द्यावरून गदारोळाची शक्यता

टीएमसी खासदार महुआ मोईत्रा यांच्यावरील कॅश फॉर क्वेरीच्या आरोपांची चौकशी केल्यानंतर नैतिक समितीचा अहवाल अधिवेशनाच्या पहिल्याच दिवशी अध्यक्षांना सादर केला जाईल.

सत्र सुरू होण्यापूर्वी I.N.D.I.Aची बैठक

सोमवारी सकाळी 11 वाजल्यापासून लोकसभा आणि राज्यसभेचे कामकाज सुरू होणार आहे. याआधी, विरोधी पक्षांची आघाडी असलेल्या I.N.D.I.A. ब्लॉकचे खासदार राज्यसभेतील विरोधी पक्षनेते मल्लिकार्जुन खरगे यांच्यासोबत बैठक घेणार आहेत. जिथे सभागृहाच्या कामकाजाबाबत रणनीती तयार केली जाईल.

संसदेचे हिवाळी अधिवेशन ४ डिसेंबरपासून सुरू होणार ; निवडणूक निकालांचा अधिवेशनावर होणार मोठा परिणाम

विरोधकांच्या प्रस्तावावर सरकार चर्चा करण्यास तयार

अधिवेशन सुरू होण्यापूर्वी 2 डिसेंबर रोजी सर्वपक्षीय बैठक झाली. ज्यामध्ये 23 पक्षांचे 30 नेते सहभागी झाले होते. गुन्हेगारी कायद्याचे इंग्रजी नामकरण, महागाई, तपास यंत्रणांचा गैरवापर आणि मणिपूरचे प्रश्नही विरोधी पक्षनेत्यांनी मांडले.

बैठकीनंतर संसदीय कामकाज मंत्री प्रल्हाद जोशी म्हणाले होते की, सरकार सर्व मुद्द्यांवर चर्चा करण्यास तयार आहे. परंतु, विरोधकांनी चर्चेसाठी वातावरण तयार करू द्यावे. त्यामुळे सभागृहाचे कामकाज सुरळीत चालू द्यावे, अशी विनंती विरोधकांना करण्यात आली आहे.