काबुलमध्ये आणखी एक मोठा दहशतवादी हल्ला होणार ? अमेरिकन गुप्तचर यंत्रणेची माहिती Will there be another major terrorist attack in Kabul? American intelligence information

काबुलमध्ये आणखी एक मोठा दहशतवादी हल्ला होणार ? अमेरिकन गुप्तचर यंत्रणेची माहिती

वृत्तसंस्था

काबुल : तीन बॉम्बस्फोटांमुळे काबुल विमानतळ हादरल होतं. शंभरहून अधिक लोकांना जीव गमवावा लागला आहे. आता त्यापेक्षाही अधिक मोठा दहशतवादी हल्ला होणार असल्याचं खात्रीलायक वृत्त अमेरिकेच्या राष्ट्रीय सुरक्षा दलाने राष्ट्रपती ज्यो बायडेन यांना दिलं आहे. यामुळे अमेरिकेने काबुल विमानतळाची सुरक्षा अधिक कडक केली आहे. Will there be another major terrorist attack in Kabul? American intelligence information

अफगाणिस्तानच्या काबुल विमानतळावर गुरुवारी झालेल्या तीन बॉम्ब स्फोटांमुळे १०० हून अधिक लोकांचा मृत्यू झाला आहे. त्यामध्ये अमेरिकेच्या १३ सैनिकांचा समावेश आहे. तालिबानने या स्फोटांचा निषेध केला असून या स्फोटांची जबाबदारी ISIS-K (आयएसआयएस-खुरासन) या दहशतवादी गटाने स्वीकारली आहे. हा दहशतवादी गट तालिबानचा कट्टर विरोधक असल्याचं समजलंय जातं. सत्तेच्या आणि वर्चस्वाच्या राजकारणामध्ये आयसिसचा हा गट तालिबान्यांचा कट्टर शत्रू म्हणून ओळखला जातोय.

सगळ्यांचीच मदत करणे शक्य नाही, अमेरिकेने झटकले हात, तूर्त विमानतळाचेच करणार संरक्षण

दहशतवाद्यांना माफी नाही : जो बायडेन

या दहशतवाद्यांना आम्ही माफी करणार नसून त्यांना याची किंमत चुकवावी लागेल अशा इशारा अमेरिकेचे अध्यक्ष ज्यो बायडेन यांनी दिला आहे. अफगाणिस्तानमधून आपल्या नागरिकांना सुरक्षितरित्या बाहेर काढण्यासाठी अमेरिकेने मिशन सुरु केलं असून अमेरिकन लष्कराने काबुल विमानतळाचा ताबा घेतला आहे. त्यामुळे येणारे काही दिवस या ठिकाणी असलेल्या अमेरिकन लष्करासाठी अत्यंत तणावग्रस्त असणार आहेत.

अमेरिेकेने ३१ ऑगस्टपर्यंत अफगाणिस्तान सोडून जावा,अशी अट तालिबानने घातली आहे. काबुल विमानतळ परिसराच्या काही भागावर आपले नियंत्रण असल्याचं तालिबानने जाहीर केलंय.

तालिबानने देश ताब्यात घेतल्यापासून हजारो नागरिक जीवाच्या भीतीने अफगाणिस्तान सोडत आहेत. या लोकांनी काबुल विमानतळावर गर्दी केली असून या विमानतळाचा ताबाअमेरिकन सैन्याने घेतला आहे.