Ecuador violent riots : दक्षिण अमेरिकन देश इक्वेडोरमधील तुरुंगात हिंसक संघर्ष उडाला, यात 24 कैद्यांचा मृत्यू झाला आणि 48 जखमी झाले. येथील समुद्रकिनाऱ्यावरील ग्वायाकिल येथील द्वीपकल्प तुरुंगात मंगळवारी मोठी हाणामारी झाली. इक्वाडोरच्या कारागृह प्रशासनाने एक निवेदन जारी करून म्हटले आहे की, पोलीस आणि लष्कराला पाच तासांनंतर ग्वायाकिल प्रादेशिक कारागृहातील परिस्थितीवर नियंत्रण ठेवण्यात यश आले. ग्वायाचे राज्यपाल पाब्लो आरोसेमेना यांनी तुरुंगाबाहेर एका पत्रकार परिषदेत सांगितले की, परिस्थिती आता नियंत्रणात आहे. Ecuador violent riots between two gangs in prison 24 killed 48 other injured says police
वृत्तसंस्था
ग्वायाकिल : दक्षिण अमेरिकन देश इक्वेडोरमधील तुरुंगात हिंसक संघर्ष उडाला, यात 24 कैद्यांचा मृत्यू झाला आणि 48 जखमी झाले. येथील समुद्रकिनाऱ्यावरील ग्वायाकिल येथील द्वीपकल्प तुरुंगात मंगळवारी मोठी हाणामारी झाली. इक्वाडोरच्या कारागृह प्रशासनाने एक निवेदन जारी करून म्हटले आहे की, पोलीस आणि लष्कराला पाच तासांनंतर ग्वायाकिल प्रादेशिक कारागृहातील परिस्थितीवर नियंत्रण ठेवण्यात यश आले. ग्वायाचे राज्यपाल पाब्लो आरोसेमेना यांनी तुरुंगाबाहेर एका पत्रकार परिषदेत सांगितले की, परिस्थिती आता नियंत्रणात आहे.
अधिकाऱ्यांनी सांगितले की, हिंसक चकमकीत गोळ्या झाडल्या गेल्या, चाकूनेही हल्ले झाले आणि अनेक स्फोटही झाले. कारागृहातील ‘लॉस लोबोस’ आणि ‘लॉस चोनेरोस’ टोळ्यांमध्ये ही हिंसक चकमक झाली. दूरचित्रवाणीवर दाखवलेल्या चित्रांमध्ये कैद्यांना कारागृहाच्या खिडक्यांमधून गोळीबार करताना पाहिले जाऊ शकते. गुआस सरकारने आपल्या ट्विटर अकाऊंटवर काही फोटोही शेअर केले आहेत, ज्यामध्ये सहा स्वयंपाकींना तुरुंगाच्या एका भागातून बाहेर काढताना दिसत आहे.
या प्रकरणातील प्रादेशिक पोलीस कमांडर जनरल फॉस्टो बुएनो यांनी सांगितले की, बंदुकीच्या गोळ्या आणि ग्रेनेड स्फोटांमुळे कैद्यांचा मृत्यू झाला. कारागृह ब्युरोचे ट्विट अध्यक्ष गुइलेर्मो लासो यांनी रिट्विट केले आणि म्हटले की, “मंगळवारच्या घटनेनंतर परिस्थिती नियंत्रणात आणली गेली आहे. येथील सुरक्षा वाढवण्यात आली आहे. दरम्यान, जुलै महिन्यात देशातील एका कारागृहात झालेल्या हिंसक चकमकीत 100 हून अधिक कैदी मारले गेले होते. कारागृहातील हिंसाचाराशी संबंधित घटना येथे वारंवार घडत असतात.
इक्वेडोरची कारागृहे ही ड्रग्ज टोळ्यांशी संबंधित असलेल्या कैद्यांसाठी युद्धभूमीसारखी आहेत. ग्वायाकिल हे इक्वेडोरचे मुख्य बंदर शहर आहे. कोकेन उत्तरेकडे विशेषत: अमेरिकेत पाठवण्याचे हे एक प्रमुख केंद्र मानले जाते. गेल्या आठवड्यात पोलिसांनी ग्वायाकिल तुरुंगातून दोन पिस्तूल, एक रिव्हॉल्व्हर, सुमारे 500 राऊंड दारुगोळा, एक हातबॉम्ब, अनेक चाकू, दोन डायनामाइट स्टिक्स आणि घरगुती स्फोटके जप्त केली.
Ecuador violent riots between two gangs in prison 24 killed 48 other injured says police
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more