ड्रॅगनची नवी खेळी; तालिबानला 120 देशांसोबत बसवणार चीन, पहिल्यांदाच इतकं महत्त्व मिळणार

By, Pravin Wankhade - October 16, 2023 03:00:39

0

वृत्तसंस्था

बीजिंग : पुढील आठवड्यात चीनमध्ये बेल्ट अँड रोड फोरम आयोजित करण्यात येणार आहे, ज्यामध्ये 120 देशांचे प्रतिनिधी सहभागी होणार आहेत. एवढेच नाही तर अफगाणिस्तानवर सत्ता गाजवणाऱ्या तालिबानलाही त्यांनी निमंत्रण दिले आहे. 2021 मध्ये सत्तेत आल्यानंतर त्यांना आंतरराष्ट्रीय व्यासपीठावर स्थान मिळण्याची ही पहिलीच वेळ असेल. तालिबान या दहशतवादी संघटनेला जागतिक पटलावर स्थान देण्यामागे चीनचा हेतू काय, यावरही प्रश्न उपस्थित केले जात आहेत. तज्ज्ञांचे म्हणणे आहे की, चीनला अफगाणिस्तानला जवळ करण्यासाठी अगोदर तालिबानशी चांगले संबंध प्रस्थापित करायचे आहेत, जेणेकरून शेजारील भारताची पकड कमकुवत होईल.Dragon’s new game; China will place Taliban with 120 countries, it will get such importance for the first time

ड्रॅगनची नवी खेळी, श्रीलंकेला अंकित करण्यासाठी नवी चाल,‎ गरिबांसाठी बांधणार 19 हजार घरे

या संपूर्ण प्रकरणाची माहिती असलेल्या लोकांनी सांगितले की, तालिबान सरकारचे मंत्री आणि अधिकारी द्विपक्षीय चर्चेसाठी आधीच इतर देशांमध्ये गेले आहेत. पण तालिबान पहिल्यांदाच एका हायप्रोफाइल जागतिक मंचावर दिसणार आहे. यासाठी त्यांना अधिकृतपणे आमंत्रित करण्यात आले असून ते जगातील 120 देशांसोबत स्टेज शेअर करणार आहेत. अशाप्रकारे तालिबानला प्रथमच जागतिक राजकारणाच्या मुख्य प्रवाहात सामील होण्याची संधी मिळणार आहे. चीन हा पहिला देश आहे ज्याने पुढाकार घेतला आणि तालिबानला मान्यता दिली. याशिवाय तेथे दूतावासही कधीच बंद झाला नाही.

मंगळवार आणि बुधवारी होणाऱ्या या शिखर परिषदेत अफगाणिस्तानचे वाणिज्य मंत्री हाजी नुरुद्दीन अजीजी उपस्थित राहणार आहेत. चीनने अशा प्रकारे तालिबानला प्रोत्साहन देण्याचे एक कारण म्हणजे अफगाणिस्तानात दडलेला खनिज खजिना. अफगाणिस्तानमध्ये तांबे, सोने आणि लिथियमचा सुमारे 3 ट्रिलियन डॉलर्सचा खजिना दडलेला असल्याचे म्हटले जाते. चीन सरकारला त्यांच्यावर नियंत्रण हवे आहे आणि त्यासाठी ते तालिबानशी चर्चा करत आहेत. चीन मंगळवारपासून बेल्ट अँड रोड प्रकल्पाला 10 वर्षे पूर्ण झाल्याचा आनंद साजरा करणार आहे.

बेल्ट अँड रोड प्रकल्पाला 10 वर्षे पूर्ण, पुढे काय?

ही मोहीम 2013 मध्ये सुरू झाली. चायना पाकिस्तान इकॉनॉमिक कॉरिडॉर हादेखील याचाच एक भाग आहे. आता या कॉरिडॉरचा विस्तार अफगाणिस्तानपर्यंत करण्याची चीनची योजना आहे. चीनच्या या प्रकल्पाला भारताचा विरोध आहे. याचे कारण म्हणजे चीन पाकिस्तान इकॉनॉमिक कॉरिडॉर गिलगिट बाल्टिस्तानमधून जातो, ज्याला भारत आपला भाग मानतो.