झारखंड विधानसभेत आता खास नमाज कक्ष, अध्यक्षांच्या निर्णयावर भाजपचे आमदार संतापले BJP opposed Speakers decision

झारखंड विधानसभेत आता खास नमाज कक्ष, अध्यक्षांच्या निर्णयावर भाजपचे आमदार संतापले

विशेष प्रतिनिधी

रांची – झारखंड विधानसभेत नमाज कक्षाला विरोध करत भाजप आमदारांनी प्रचंड गदारोळ घातला. आमदारांनी जय श्री रामच्या घोषणा देत तसेच हनुमान चालिसा म्हणत हौद्यात धाव घेतली. BJP opposed Speakers decision

सभागृहाचे कामकाज सुरू होताच भाजप आमदारांनी नमाज कक्षासह राज्य सरकारच्या रोजगार धोरणाला विरोध दर्शवित निदर्शने करण्यास सुरूवात केली. विधानसभा अध्यक्ष रविंद्र नाथ महातो यांनी त्यांना सभागृहाचे कामकाज सुरळीत चालू देण्याची विनंती केली.

झारखंडनंतर आता यूपी विधानसभेतही नमाजेसाठी स्वतंत्र खोली देण्याची मागणी, सपा आमदार इरफान सोलंकींचे सभापतींना साकडे

झारखंड विधानसभेत नमाज अदा करण्यासाठी खोली देण्याचा निर्णय विधानसभा अध्यक्षांनी घेतला आहे. मात्र, भाजपने या निर्णयाला तीव्र विरोध केला आहे. हा आदेश मागे घेण्याची भाजपची मागणी आहे.

अध्यक्षपदाचा अनादर कोणत्याही परिस्थितीत सहन केला जाणार नाही. जर तुम्ही रागावला असाल, तर मला मारा पण कामकाज थांबवू नका, असे वैफल्यग्रस्त उद्‌गार रविंद्र नाथ यांनी भाजप आमदारांना उद्देशून काढले.

अध्यक्षपदाची खुर्ची काही चेष्टेचा विषय नाही. तुम्ही कालही वाईट पद्ध्‌तीने वागला. हा झारखंडमधील साडेतीन कोटी नागरिकांच्या श्रद्धेचा विषय आहे आणि तुमचे वर्तन वेदनादायक आहे, असेही त्यांनी गदारोळ घालणाऱ्या भाजप आमदारांना सुनावले.