दिल्लीत दोन आठवड्यात पेट्रोल ९.२० रुपयांनी महाग

By, Vishal Joshi - April 5, 2022 11:00:32

0

विशेष प्रतिनिधी

नवी दिल्ली : तेल कंपन्यांनी मंगळवारी पेट्रोल आणि डिझेलच्या दरात ८० पैशांनी वाढ केली. दोन आठवड्यात पेट्रोल आणि डिझेलच्या दरात १३ वेळा वाढ करण्यात आली आहे. गेल्या १५ दिवसांत २४ मार्च आणि १ एप्रिल असे दोनच दिवस तेलाच्या किमतीत कोणताही बदल झालेला नाही. Petrol price hiked by Rs 9.20 in two weeks in Delhi

राजधानी दिल्लीत आतापर्यंत दोन आठवड्यात पेट्रोल ९.२० रुपयांनी महागले आहे. त्यामुळे दिल्लीत पेट्रोलचा दर आता १०४.६१ रुपये प्रतिलिटर झाला आहे, तर डिझेलचा दर ९५.८७ रुपये झाला आहे.

२ आठवड्यात पेट्रोल आणि डिझेलच्या दरात १३ वेळा वाढ झाली आहे. कोलकातामध्ये पेट्रोलचा दर आता ११४.२८ रुपये प्रतिलिटर झाला आहे. तर डिझेलचे दर प्रति लिटर ९९.०२ रुपये असतील. मुंबईत पेट्रोलचा दर ११९.६७ रुपये आहे. तर डिझेल १०३.९२ रुपये प्रतिलिटर झाले आहे. चेन्नईत पेट्रोलचा दर प्रतिलिटर ११०.११ रुपयांवर गेला आहे. डिझेलचा दर १००.१९ रुपये प्रतिलिटर आहे.

देशात तेरा दिवसांत अकराव्यांदा पेट्रोल आणि डिझेलच्या दरात वाढ; प्रत्येकी १ रुपयांनी वाढ

पाच राज्यांतील निवडणुकांमुळे मोदी सरकारने तेल कंपन्यांना किमती वाढवण्यापासून रोखल्याचा आरोप सरकारच्या राजकीय विरोधकांनी केला. आंतरराष्ट्रीय बाजारात कच्च्या तेलाचे दर प्रति बॅरल ११२ डॉलरवर पोहोचल्यानंतर तेल कंपन्यांनी रविवारी डिझेलच्या मोठ्या खरेदीदारांसाठी प्रति लिटर २५ रुपयांनी वाढ केली. किरकोळ विक्रीचे दर हळूहळू वाढवले जातील, असे तेल विक्रेत्यांचे म्हणणे आहे.

या राज्यांमध्ये पेट्रोलची किंमत १०० रुपयांच्या पुढेे : मध्य प्रदेश, राजस्थान, महाराष्ट्र, आंध्र प्रदेश, तेलंगणा, कर्नाटक, ओडिशा, जम्मू-काश्मीर आणि लडाखमध्ये पेट्रोलचा दर १०० रुपयांवर आहे. मुंबईत पेट्रोलचे दर सर्वाधिक आहेत.