Bipin Rawat Helicopter Crash : लष्करप्रमुख होण्याआधीही बिपिन रावत यांचा झाला होता अपघात, थोडक्यात वाचले होते प्राण

By, Pravin Pawar - December 8, 2021 04:22:10

0

भारताचे चीफ ऑफ डिफेन्स स्टाफ (CDS) जनरल बिपिन रावत यांना घेऊन जाणारे Mi-17 हेलिकॉप्टर बुधवारी तामिळनाडूमधील कुरनूल येथे कोसळले. या हेलिकॉप्टरमध्ये त्यांच्या पत्नीसह लष्कराचे आणखी काही अधिकारीही होते, असे सांगण्यात आले. वृत्तानुसार, आतापर्यंत ८ जणांचा मृत्यू झाल्याचे स्पष्ट करण्यात आले आहे. काही गंभीर जखमींना रुग्णालयात दाखल करण्यात आले आहे. या अपघातात सीडीएस सुखरूप असल्याची शक्यता वर्तवली जात आहे. मात्र, बिपिन रावत यांचा विमान अपघात होण्याची ही पहिलीच वेळ नाही. 2015 मध्येही ते हेलिकॉप्टर अपघातातून थोडक्यात बचावले होते.Bipin Rawat Helicopter Crash Bipin Rawat had an accident even before he became Army Chief in 2015

प्रतिनिधी

नवी दिल्ली : भारताचे चीफ ऑफ डिफेन्स स्टाफ (CDS) जनरल बिपिन रावत यांना घेऊन जाणारे Mi-17 हेलिकॉप्टर बुधवारी तामिळनाडूमधील कुरनूल येथे कोसळले. या हेलिकॉप्टरमध्ये त्यांच्या पत्नीसह लष्कराचे आणखी काही अधिकारीही होते, असे सांगण्यात आले. वृत्तानुसार, आतापर्यंत ८ जणांचा मृत्यू झाल्याचे स्पष्ट करण्यात आले आहे. काही गंभीर जखमींना रुग्णालयात दाखल करण्यात आले आहे. या अपघातात सीडीएस सुखरूप असल्याची शक्यता वर्तवली जात आहे. मात्र, बिपिन रावत यांचा विमान अपघात होण्याची ही पहिलीच वेळ नाही. 2015 मध्येही ते हेलिकॉप्टर अपघातातून थोडक्यात बचावले होते.

लेफ्टनंट जनरल बिपिन रावत दिमापूर येथील लष्कराच्या 3-कॉर्प्सच्या मुख्यालयाचे नेतृत्व करत असताना फेब्रुवारी 2015 मध्ये ही घटना घडली होती. ते दिमापूरहून चित्ता हेलिकॉप्टरमधून निघाले असताना अचानक काही उंचीवर त्यांचे हेलिकॉप्टरवरील नियंत्रण सुटले आणि हेलिकॉप्टर कोसळले. त्यावेळी या घटनेमागचे कारण इंजिनमध्ये बिघाड झाल्याचे सांगण्यात येत आहे. या अपघातात जनरल रावत किरकोळ जखमी झाले होते.

Live Updates : CDS बिपिन रावत यांचे हेलिकॉप्टर क्रॅश, घटनास्थळी गेलेले तामिळनाडूचे वनमंत्री म्हणाले- आतापर्यंत ८ जणांचा मृत्यू, दोन जणांची प्रकृती गंभीर

हेलिकॉप्टर जमिनीपासून केवळ 20 मीटर उंचीवर पोहोचू शकल्याचे लष्कराने नंतर उघड केले. यादरम्यान, सिंगल इंजिन असलेल्या या हेलिकॉप्टरमध्ये काही गडबड झाली आणि दोन्ही वैमानिकांचे नियंत्रण सुटले. मात्र या अपघातात कोणतीही जीवितहानी झाली नव्हती. पीटीआय या वृत्तसंस्थेने सांगितले की, हवाई दलाने या घटनेची उच्चस्तरीय चौकशीही करण्यात आली होती.

आज कुरनूलच्या जंगलात घडलेल्या या अपघाताविषयी अद्याप अधिकृत माहिती सैन्य किंवा केंद्राने जाहीर केलेली नाही. देशभरात सीडीएस बिपिन रावत सुखरूप असण्यासाठी प्रार्थना केली जात आहे.

Bipin Rawat Helicopter Crash Bipin Rawat had an accident even before he became Army Chief in 2015

महत्वाच्या बातम्या