cockroach कॉकरोच आंदोलकांवर लाठीमार केल्याचा पोलिसांवर आरोप; पण प्रत्यक्षात आंदोलकांच्या दगडफेकीत 50 पोलीस जखमी; कायदेशीर कारवाईचा पिक्चर अभी बाकी!!

कॉकरोच आंदोलकांवर लाठीमार केल्याचा पोलिसांवर आरोप; पण प्रत्यक्षात आंदोलकांच्या दगडफेकीत 50 पोलीस जखमी; कायदेशीर कारवाईचा पिक्चर अभी बाकी!!

विशेष प्रतिनिधी

नवी दिल्ली : कॉकरोच जनता पार्टीच्या आंदोलकांवर पोलिसांनी गोळीबार केल्याचा आरोप झाला त्यावर सगळ्या विरोधी पक्षांनी दिवसभरात राजकीय पोळी भाजून घेतली. राहुल गांधींपासून ते अखिलेश यादव यांच्यापर्यंत सगळ्यांनी मोदी सरकारला घेरले. पण आंदोलक संसद परिसरात घुसून गदारोळ करणार असल्याची बातमी मात्र विरोधकांनी दडपली. पोलिसांनी आंदोलकांना संसदेच्या परिसरात घुसू दिले नाही. त्यांनी संसद परिसराची सुरक्षा व्यवस्था अत्यंत चोख ठेवली. cockroach

– ५० पोलीस जखमी

पण याच दरम्यान कॉकरोच जनता पार्टीच्या आंदोलकांनी दिल्लीमध्ये हिंसाचाराचा जोरदार धुमाकूळ घातला. त्यांनी अनेक रस्त्यांवर उतरून मोठी दगडफेक केली. यामध्ये फिरोजशहा मार्ग आणि कॅनॉट प्लेस या गर्दीच्या भागात सुद्धा दगडफेक केली. त्यांनी पोलिसांना टार्गेट केले. आंदोलकांनी केलेल्या दगडफेकीत तब्बल ५० पोलीस आणि अन्य सुरक्षा कर्मचारी जखमी झाले. जखमींमध्ये १० पोलीस अधिकाऱ्यांचा समावेश आहे. कॉकरोच आंदोलकांनी आणि शबाना आजमी, चंद्रशेखर आझाद यांच्यासारख्या लिबरल लोकांनी पोलिसांनी आंदोलकांवर लाठीमार केल्याच्या बातम्यांचे भांडवल केले. पण आंदोलकांनी दिल्लीतल्या रस्त्या रस्त्यांवर दगडफेक करून पोलिसांना जखमी केल्याच्या बातम्यांवर साधी प्रतिक्रिया सुद्धा व्यक्त केली नाही.

आषाढी वारीत वारकऱ्यांच्या सेवेसाठी ‘फिनोलेक्स’चा पुढाकार; लाखो साहित्याचे वाटप; वारकऱ्यांकडूनही उपक्रमाचे कौतुक

– सीसीटीव्ही तपासून पुढची कारवाई

पण पोलिसांनी कायदेशीर कारवाई थांबवलेली नाही. पोलिसांनी आपल्या जखमी सहकाऱ्यांना आणि अन्य सुरक्षा कर्मचाऱ्यांना तातडीने विविध रुग्णालयांमध्ये दाखल करून त्यांच्यावर उपचार सुरू केले. पण त्याच वेळी पोलिसांनी अनेक ठिकाणच्या रस्त्यांवरचे सीसीटीव्ही तपासून, त्यांचे व्हिडिओ फुटेज तपासून पुढच्या कायदेशीर कारवाईला सुरुवात केली. दगडफेकीत आणि अन्य हिंसाचारामध्ये सामील असलेल्यांना पोलीस सोडणार नाहीत, असा इशारा दिल्ली पोलिसांनी सायंकाळी ट्विट करून दिला. त्यामुळे जंतर – मंतर खाली झाले असले तरी पोलिसांच्या कायदेशीर कारवाईचा बडगा मात्र कायम राहणार आहे, हेच वास्तव या निमित्ताने समोर आले.

#WATCH | Delhi | Aftermath of the clash between police and CJP protestors; visuals from Hanuman Mandir Road pic.twitter.com/qrrXt3BTFs

— ANI (@ANI) July 20, 2026