Elon Musk : एलन मस्क म्हणाले- EVM मुळे निवडणुकीत हेराफेरी होते, बॅलेट पेपरद्वारे मतदानाचा दिला सल्ला

By, Pravin Wankhade - October 21, 2024 08:00:07

0

वृत्तसंस्था

न्यूयॉर्क : Elon Musk अमेरिकन उद्योगपती एलन मस्क यांनी दावा केला आहे की, ईव्हीएमचा वापर करून निवडणुकीत हेराफेरी केली जाते. अमेरिकन न्यूज एजन्सी एबीसीच्या वृत्तानुसार, मस्क म्हणाले की, निवडणुका बॅलेट पेपरद्वारे घेण्यात याव्यात. मस्क यांनी डोमिनियन कंपनीच्या मतदान यंत्रांच्या कार्यक्षमतेवर प्रश्न उपस्थित केले. ते म्हणाले की फिलाडेल्फिया आणि एरिझोना व्यतिरिक्त या मशीन्स इतरत्र कुठेही वापरल्या जात नाहीत. या दोन्ही ठिकाणी रिपब्लिकन पक्षाचा पराभव झाला. हा एक विचित्र योगायोग आहे.Elon Musk

मस्क म्हणाले की संगणक प्रोग्राम हॅक करणे सोपे आहे त्यामुळे त्यांच्यावर विश्वास ठेवता येत नाही. मशीन बनवणाऱ्या कंपनीने हे आरोप फेटाळून लावले आहेत. व्होटिंग मशीन बनवणारी कंपनी डोमिनियनने मस्कचा आरोप खोटा असल्याचे म्हटले आहे.

Yamuna river : यमुना नदीत विषारी फेसाचे संकट, भाजपचा आप सरकारवर गंभीर आरोप, एक हजार कोटींच्या प्रदूषण कराचे काय केले?

कंपनीच्या प्रवक्त्याने सांगितले की डोमिनियन फिलाडेल्फिया राज्यात सेवा देत नाही. तसेच, आमची मतदान प्रणाली मतदाराला बॅलेट पेपरवर दिलेल्या मताची पुष्टी करण्यास मदत करते. याशिवाय, आम्ही अनेक वेळा मशिन व्होट आणि बॅलेट पेपर मतांची मोजणी एकत्र करून ऑडिट केले आहे. हे सिद्ध होते की आमचे मशीन योग्य परिणाम देते.

निवडणुकीसाठी अवघे 15 दिवस उरले

अमेरिकेत 5 नोव्हेंबरला राष्ट्राध्यक्षपदाच्या निवडणुका होत आहेत. रिपब्लिकन पक्षाचे उमेदवार डोनाल्ड ट्रम्प तिसऱ्यांदा निवडणुकीच्या रिंगणात आहेत, तर डेमोक्रॅटिक पक्षाच्या उमेदवार कमला हॅरिस आहेत.
या निवडणुकांमध्ये एलॉन मस्क उघडपणे ट्रम्प यांच्या समर्थनार्थ प्रचार करत आहेत.

मस्क यांनी ट्रम्प यांच्या पक्षाच्या राजकीय कृती समितीला $75 दशलक्ष (सुमारे 630 कोटी रुपये) निधीही दिला आहे. यासोबतच मस्क 2024 च्या निवडणुकीत सर्वाधिक निधी देणारे उद्योगपती बनले आहेत.