Country top five brands : देशातील टॉप पाच ब्रँडमध्ये फक्त सॅमसंगची विक्री 2% वाढली नवीन ब्रँड नथिंगची 105% गुगल पिक्सल ची 68% वाढली

By, wankhadepravin - July 20, 2026 02:00:54

0

विशेष प्रतिनिधी

नवी दिल्ली : Country top five brands देशातील स्मार्टफोन बाजारात एप्रिल-जून तिमाहीत एक विशेष ट्रेंड दिसून आला. चीनी ब्रँड्सचा बाजारातील वाटा सहा वर्षांच्या नीचांकी पातळीवर (18% पर्यंत) घसरला. दुसरीकडे सॅमसंग, नथिंग आणि गुगल पिक्सल सारख्या कंपन्यांनी विक्रीत वेगाने वाढ दर्शविली.Country top five brands

रिसर्च फर्म काउंटरपॉईंटनुसार, जून तिमाहीत स्मार्टफोनची एकूण विक्री वार्षिक आधारावर 10% नी घटली, जी गेल्या सहा वर्षांतील जून-तिमाहीतील सर्वात मोठी घसरण आहे. सर्वात जास्त परिणाम 15,000 रुपयांपेक्षा स्वस्त फोनवर झाला. त्यांची विक्री 45% नी घटली. घसरणीचे मोठे कारण मेमरी चिप (डेटा साठवणारे घटक) च्या किमतींमध्ये झालेली वाढ होती. यामुळेो बहुतेक कंपन्यांनी फोनच्या किमती सुमारे 15% पर्यंत वाढवल्या.Country top five brands

आषाढी वारीत वारकऱ्यांच्या सेवेसाठी ‘फिनोलेक्स’चा पुढाकार; लाखो साहित्याचे वाटप; वारकऱ्यांकडूनही उपक्रमाचे कौतुक

आउटलुक : संपूर्ण वर्षात विक्री 13% नी घटू शकते

सप्टेंबर 2025 पासून आतापर्यंत स्मार्टफोनमध्ये वापरल्या जाणाऱ्या मेमरी चिपच्या किमती 4 पटीने वाढल्या आहेत. याच कारणामुळे एप्रिल-जूनमध्ये स्मार्टफोनच्या सरासरी किमती 15% वाढल्या. अहवालात असा अंदाज वर्तवण्यात आला आहे की, आगामी महिन्यांत त्यांच्या किमती 5 पटीने वाढतील. हे पाहता, काउंटरपॉइंटचा अंदाज आहे की, या वर्षी स्मार्टफोनची एकूण विक्री 13% नी कमी होऊ शकते.

ट्रेंड: देशातील टॉप-5 ब्रँड्समध्ये फक्त सॅमसंगची विक्री 2% वाढली, नवीन ब्रँड नथिंगची 105%, गूगल पिक्सलची 68%

ओप्पो, विवो, शाओमी, रियलमी, वनप्लस, आयक्यू आणि पोको यांसारख्या चायनीज ब्रँड्सचा मोठा व्यवसाय स्वस्त फोनवर अवलंबून आहे. याच कारणामुळे किमती वाढल्याने त्यांची बाजारातील हिस्सेदारी 2020 नंतर सर्वात खालच्या पातळीवर आली. विक्रीच्या दृष्टीने टॉप-5 ब्रँड्समध्ये सॅमसंग ही एकमेव कंपनी होती, ज्याची विक्री 2 टक्क्यांनी वाढली. गॅलेक्सी ए आणि एस सिरीजला मजबूत मागणी दिसून आली.

नथिंग सर्वात वेगाने वाढणारा ब्रँड ठरला. त्याच्या विक्रीत 105 टक्के वाढ झाली. प्रीमियम सेगमेंटमध्ये गुगल पिक्सलने आक्रमक मार्केटिंग आणि स्थिर किमतींच्या जोरावर 68 टक्के वाढ दर्शविली.