इंद्रायणी एक्स्प्रेससह डेक्कन क्वीनही रद्द ; प्रवासी घटल्याने उद्यापासून धावणार नाही


वृत्तसंस्था

पुणे : रेल्वे प्रवाशांची संख्य घटल्याने पुणे-मुंबई इंद्रायणी एक्स्प्रेससह आता १४ मेपासून डेक्कन क्वीनही रद्द करण्याचा निर्णय मध्य रेल्वेने घेतला आहे. त्यामुळे पुणेकरांना आता लांब पल्ल्याच्या गाड्यांवर अवलंबून रहावे लागणार आहे. Deccan Queen also canceled along with Indrayani Express from tomorrow

कोरोनाच्या पहिल्या लाटेनंतर परिस्थिती सुधारल्यामुळे रेल्वेगाड्या सुरू झाल्या होत्या. त्यात पुणे-मुंबई दरम्यानची इंद्रायणी एक्स्प्रेस आणि डेक्कन क्वीनचा समावेश होता. मात्र, प्रवाशांचा प्रतिसाद कमी होता.



आता कोरोनाची दुसरी लाट तीव्र झाली. पर्यायाने प्रवासी संख्या आणि आरक्षण घटले. त्यामुळे अनेक गाड्या रद्द केल्या आहेत. गेल्याच आठवड्यात पुणे-मुंबई इंद्रायणी एक्स्प्रेस रद्द झाली होती. ही गाडी जूनअखेरपर्यंत धावणार नाही.

त्यापाठोपाठ आता पुणे-मुंबई डेक्कन क्वीनही रद्दचा निर्णय घेतला आहे. ही गाडी १४ मेपासून पुढील सूचना मिळेपर्यंत बंद राहणार आहेत. डेक्कन क्वीनसह कोल्हापूर-मुंबई ही गाडीही १८ मेपासून पुढील सूचना मिळेपर्यंत रद्द झाली.

यापूर्वी रद्द झालेल्या गाड्या

पुणे-नागपूर, पुणे-अमरावती, पुणे-अजनी, कोल्हापूर-नागपूर, दादर-पंढरपूर, दादर-शिर्डी, मुंबई-गदग, मुंबई-कोल्हापूर, मुंबई-बिदर, मुंबई-लातूर, पुण्याहून प्रत्येक सोमवार, गुरुवार आणि शनिवारी धावणारी पुणे-अहमदाबाद एक्स्प्रेस, पुणे-फलटण, लोणंद-फलटण

या मार्गावरील डेमू रेल्वेचा समावेश आहे. पुणे-मुंबई प्रवासासाठी स्वतंत्र गाडी नाही. मात्र, दक्षिणेकडून पुणेमार्गे मुंबईकर्डे किंवा गुजरातकडे जाणाऱ्या गाड्यांचा पर्याय प्रवाशांना उपलब्ध आहे.

Deccan Queen also canceled along with Indrayani Express from tomorrow

महत्त्वाच्या बातम्या

 

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण