अमेरिकेच्या ख्रिसमस परेडमध्ये भीषण अपघात, भरधाव कारच्या धडकेने 20 हून अधिक जखमी, लहान मुलांचाही समावेश

अमेरिकेतील विस्कॉन्सिनमध्ये एक मोठी दुर्घटना घडली आहे. ख्रिसमस परेडदरम्यान हा अपघात झाला. या घटनेत 20 जण जखमी झाले आहेत. जखमींमध्ये अनेक लहान मुलांचाही समावेश आहे. सर्व जखमींना रुग्णालयात दाखल करण्यात आले आहे. परेड सुरू असताना एका वेगाने लाल रंगाची भरधाव कार घुसली आणि गर्दीला चिरडत पुढे निघून गेली. घटनास्थळी उपस्थित असलेल्या पोलिसांनी कार चालकाला ताब्यात घेतले आहे. Speeding car enters America’s Christmas parade, more than 20 people injured Including many children


वृत्तसंस्था

विस्कॉन्सिन : अमेरिकेतील विस्कॉन्सिनमध्ये एक मोठी दुर्घटना घडली आहे. ख्रिसमस परेडदरम्यान हा अपघात झाला. या घटनेत 20 जण जखमी झाले आहेत. जखमींमध्ये अनेक लहान मुलांचाही समावेश आहे. सर्व जखमींना रुग्णालयात दाखल करण्यात आले आहे. परेड सुरू असताना एका वेगाने लाल रंगाची भरधाव कार घुसली आणि गर्दीला चिरडत पुढे निघून गेली. घटनास्थळी उपस्थित असलेल्या पोलिसांनी कार चालकाला ताब्यात घेतले आहे. मात्र, त्याला अद्याप अटक करण्यात आलेली नाही. पोलिसांनी घटनेचा तपास सुरू केला असून चालकाची चौकशी केली जात आहे. पोलीस या घटनेचा वेगवेगळ्या अँगलमधून तपास करत आहेत.



शहर पोलीस प्रमुख डॅन थॉम्पसन यांनी सांगितले की, संशयिताचे वाहन जप्त करण्यात आले आहे. या घटनेचा तपास सुरू असल्याचे त्यांनी सांगितले. काही जखमींना पोलिसांनी तर काहींना त्यांच्या कुटुंबीयांनी रुग्णालयात दाखल केले आहे. पोलिसांनी घटनास्थळाजवळ न जाण्याचे आवाहन केले आहे. या घटनेच्या व्हिडिओमध्ये एक एसयूव्ही अडथळे तोडून परेड काढणाऱ्या लोकांना चिरडताना दिसत आहे.

ही घटना रविवारी संध्याकाळी घडली. अधिकारी घटनेची माहिती गोळा करण्यात गुंतले आहेत. अमेरिकेच्या वेळेनुसार, दुपारी साडेचार वाजता वाउकेशा येथील मिलवॉकी येथे वार्षिक ख्रिसमस परेड पाहण्यासाठी मोठ्या संख्येने लोक आले असताना ही घटना घडली. एका संशयिताची ओळख पटल्याचे पोलिसांनी सांगितले.

Speeding car enters America’s Christmas parade, more than 20 people injured Including many children

महत्त्वाच्या बातम्या