FIFA World Cup : सौदीचा बलाढ्य अर्जेंटिनाला पराभवाचा धक्का; फ्री किकच्या 2 संधी मेस्सीने गमावल्या

By, Pravin Pawar - November 22, 2022 06:14:27

0

वृत्तसंस्था

कतार : फिफा वर्ल्ड कप फुटबॉल 2022 मध्ये पहिला जबरदस्त उलटफेर पाहायला मिळाला. लिंबू टिंबू सौदी अरेबियाने बलाढ्य अर्जेंटिनाला 1 – 2 एक असा पराभवाचा धक्का दिला. सुपरस्टार लिओनेल मेस्सी याला फ्री किकच्या 2 संधी मिळून देखील एकही गोल करता आला नाही. हा फुटबॉलच्या चाहत्यांसाठी सर्वात मोठा धक्का ठरला saudi wins to argentina in fifa world cup

क गटातील दोन संघ अर्जेंटिना विरुद्ध सौदी अरेबिया यांच्यात सामना झाला. या सामन्याचा आश्चर्यकारक निर्णय लागल्याने सर्वांना मोठा धक्का बसला. सुपरस्टार लिओनेल मेस्सीच्या अर्जेंटिना संघाला. पराभवाचा सामना करावा लागला. यंदाच्या वर्ल्ड कप मधील मधील तिसरा सामन्यात मोठा उलटफेर पहायला मिळाला. दहाव्या मिनिटाला लिओनेल मेस्सीने गोल करत अर्जेंटिनाला आघाडी मिळवून दिली. मात्र, त्यानंतर अर्जेंटिनाच्या खेळाडूंना आक्रमक खेळ दाखवता आला नाही.

महिला फुटबॉल विश्वचषक आयोजनात लक्ष घाला; केंद्र सरकारला सुप्रीम कोर्टाचे निर्देश!!; FIFA च्या कारवाईवर 22 तारखेला फैसला

सालेह अलशेहरीने 48 व्या मिनिटाला गोल करत अर्जेंटिनासोबत बरोबरी साधली. त्यानंतर लगेचच 5 मिनिटाने सालेम अल्दवसरीने 53 व्या मिनिटाला गोल केला आणि सौदी अरेबियाला आघाडी मिळवून दिली. त्यानंतर मेस्सी अँड कंपनी टेन्शनमध्ये आली. अर्जेटिंनाने (Argentina) आक्रमक खेळ करण्याचा प्रयत्न केला.

अखेरच्या 10 मिनिटात अर्जेंटिनाकडे दोन फ्री किकची (free kick) संधी चालून आली. मात्र, दोन्ही वेळेस मेस्सीला गोल करता आला नाही आणि अखेरीस बलाढ्या अर्जेंटिनाचा पराभव करत सौदी अरेबियाने पहिला विजय नोंदवला आहे. अर्जेंटिनाच्या पराभवानंतर अनेकांना मोठा धक्का बसला, तर मेस्सीच्या चाहते देखील दु:खात आहेत.