अमेरिकेतील गन कल्चरविरोधात लोक रस्त्यावर ; 450 शहरांमध्ये निदर्शने, कठोर कायद्याची मागणी

By, Pravin Pawar - June 12, 2022 08:00:55

0

वृत्तसंस्था

वॉशिंग्टन : अलिकडच्या काही वर्षांत अमेरिकेत गोळीबाराच्या घटना झपाट्याने वाढल्या आहेत. 24 मे रोजी टेक्सासच्या एका शाळेत गोळीबार झाला होता ज्यात 19 मुले आणि दोन शिक्षक ठार झाले होते. या घटनेनंतर नागरिकांमध्ये संताप व्यक्त केला जात आहे. वॉशिंग्टनसह 450 शहरांमध्ये हजारो लोकांनी निदर्शने केली.People on the streets against gun culture in America Protests in 450 cities, demands for stricter laws

सेन्सेबल गन लॉची गरज

सरकारला मूकदर्शक बसू देणार नाही, असे निदर्शने करणाऱ्या गन सेफ्टी मार्च फॉर अवर लाइव्हजच्या सदस्यांचे म्हणणे आहे. आंदोलकांपैकी एक म्हणाला – लोक मरत आहेत. सरकार काहीच करत नाहीये. हे सतत घडत आहे. सरकारने कठोर पावले उचलावीत. आता कायदा बदलण्याची गरज आहे.

‘द काश्मीर फाइल्स’ : काश्मिरी पंडितांच्या नरसंहाराला वाचा फोडली; अमेरिकेतील राज्याकडून अग्निहोत्रीचे कौतुक

गन कल्चरवर नियंत्रण का नाही?

230 वर्षांनंतरही अमेरिकेने आपले गन कल्चर थांबवलेले नाही. याची दोन कारणे आहेत. पहिले- अनेक अमेरिकन राष्ट्रपतींपासून तिथल्या राज्यांच्या राज्यपालांपर्यंत ही संस्कृती जपण्याचा सल्ला दिला गेला. दुसरे- बंदूक बनवणाऱ्या कंपन्या, म्हणजेच गन लॉबी हेदेखील ही संस्कृती टिकून राहण्याचे प्रमुख कारण आहे. 2019 च्या अहवालानुसार, यूएसमध्ये 63 हजार परवानाधारक गन डीलर्स होते, ज्यांनी त्या वर्षी अमेरिकन नागरिकांना 83 हजार कोटी रुपयांच्या बंदुकांची विक्री केली.

बंदूक खरेदी करणे अमेरिकेत फळे-भाज्या खरेदीसारखे

अमेरिकेतील बंदूक संस्कृतीचा इतिहास सुमारे 230 वर्षांचा आहे. 1791 मध्ये राज्यघटनेच्या दुसऱ्या दुरुस्तीनुसार, अमेरिकन नागरिकांना शस्त्रे ठेवण्याचा आणि खरेदी करण्याचा अधिकार देण्यात आला. ही संस्कृती अमेरिकेत ब्रिटिशांची सत्ता असताना सुरू झाली. त्या काळी कायमस्वरूपी सुरक्षा दल नव्हते, म्हणूनच लोकांना स्वतःच्या आणि कुटुंबाच्या सुरक्षिततेसाठी शस्त्रे ठेवण्याचा अधिकार दिला होता, पण अमेरिकेचा हा कायदा आजही कायम आहे.

शाळांमध्ये गोळीबाराच्या शेकडो घटना

एज्युकेशन वीकच्या अहवालानुसार, 2018 पासून अमेरिकेत 119 शाळांमध्ये गोळीबाराच्या घटना घडल्या आहेत. एकट्या 2022 मध्ये शाळांमध्ये गोळीबाराच्या 27 घटना घडल्या असून त्यात 140 जणांचा मृत्यू झाला आहे. 2021 मध्ये गोळीबारात 250 लोकांना लक्ष्य करण्यात आले होते, त्यापैकी 103 लोकांचा मृत्यू झाला होता.