पाकिस्तानचे माजी लष्करशहा अत्यवस्थ : कुटुंबीय म्हणाले- आता ते बरे होण्याची शक्यता नाही, सर्व अवयवांनी काम करणे थांबवले|Former Pakistani army chief in critical condition: Family members say he is unlikely to recover now, all organs stopped working

पाकिस्तानचे माजी लष्करशहा अत्यवस्थ : कुटुंबीय म्हणाले- आता ते बरे होण्याची शक्यता नाही, सर्व अवयवांनी काम करणे थांबवले

पाकिस्तानचे माजी राष्ट्राध्यक्ष आणि लष्कराचे हुकूमशहा जनरल परवेझ मुशर्रफ यांची प्रकृती चिंताजनक आहे. मुशर्रफ व्हेंटिलेटरवर नाहीत, अशी पोस्ट त्यांच्या कुटुंबीयांनी त्यांच्या ट्विटर हँडलवर टाकली आहे. गेल्या 3 आठवड्यांपासून ते रुग्णालयात दाखल आहेत.Former Pakistani army chief in critical condition: Family members say he is unlikely to recover now, all organs stopped working

वृत्तसंस्था

इस्लामाबाद : पाकिस्तानचे माजी राष्ट्राध्यक्ष आणि लष्कराचे हुकूमशहा जनरल परवेझ मुशर्रफ यांची प्रकृती चिंताजनक आहे. मुशर्रफ व्हेंटिलेटरवर नाहीत, अशी पोस्ट त्यांच्या कुटुंबीयांनी त्यांच्या ट्विटर हँडलवर टाकली आहे. गेल्या 3 आठवड्यांपासून ते रुग्णालयात दाखल आहेत. ते अशा कठीण टप्प्यातून जात आहेत जिथून बरे होण्याची शक्यता नाही. त्यांच्या सर्व अवयवांनी काम करणे बंद केले आहे. कुटुंबाने लोकांना त्यांच्यासाठी दुवा करण्याचे आवाहन केले आहे.

भारताविरुद्ध पाकिस्तानात बसून कट रचतेय SJF, ‘खलिस्तानी नकाशा’चे अनावरण, शिमल्याला दाखवले राजधानी

शुक्रवारी पसरली मृत्यूची अफवा

शुक्रवारी परवेझ मुशर्रफ यांच्या निधनाच्या बातम्या पाकिस्तानी प्रसारमाध्यमांमध्ये गाजू लागल्या. त्याच वेळी, अनेक मीडिया चॅनल्सने ही बातमी फेटाळली, त्यानंतर त्याच्या प्रकृतीबद्दल विविध कयास केले जाऊ लागले. माजी माहिती मंत्री फवाद चौधरी यांनी सांगितले की, त्यांनी मुशर्रफ यांच्या मुलाकडून कन्फर्म केले आहे की मुशर्रफ व्हेंटिलेटरवर आहेत. यानंतर कुटुंबीयांनी पुढे येऊन त्यांच्या प्रकृतीची माहिती दिली आहे.

आर्मी जनरल जो दुबईला पळून गेला

परवेझ मुशर्रफ यांना 1998 मध्ये तत्कालीन पंतप्रधान नवाझ शरीफ यांनी लष्करात फोर स्टार पदावर बढती दिली होती. यानंतर मुशर्रफ लष्करप्रमुख झाले. मुशर्रफ यांनी 1999 मध्ये लष्करप्रमुख बनून सत्तापालट केला. 2001 ते 2008 पर्यंत पाकिस्तानचे दहावे राष्ट्रपती म्हणून राज्य केले.

पाकिस्तानच्या माजी पंतप्रधान बेनझीर भुट्टो यांची हत्या आणि मशिदीच्या मौलवीच्या हत्येप्रकरणी त्यांना फरार घोषित करण्यात आले होते. 2007 मध्ये त्यांनी पाकिस्तानी राज्यघटना निलंबित केली, त्यानंतर त्यांच्यावर देशद्रोहाचा खटला चालवण्यात आला. मुशर्रफ 2016 मध्ये उपचारासाठी दुबईला गेले होते आणि तेव्हापासून ते तिथेच आहेत.