लालूप्रसाद यादव काँग्रेसवर भडकले, हरण्यासाठी आणि डिपॉझिट जप्त करून घेण्यासाठी त्यांच्यासोबत आघाडी करायची का?

By, Sachin Deshmukh - October 25, 2021 06:00:45

0

विशेष प्रतिनिधी

पाटणा : काँग्रेसने आघाडी तोडून भाजपशी छुपी युती केल्याचा आरोप केल्यावर राष्ट्रीय जनता दलाचे अध्यक्ष लालूप्रसाद यादव चांगलेच भडकले. हरण्यासाठी आणि डिपॉझिट जप्त करून घेण्यासाठी कॉंग्रेससोबत जायचे का असा सवाल त्यांनी केला आहे. Lalu Prasad Yadav lash out at the Congress, should we go with them to defeat and seize deposits

राष्ट्रीय जनता दलाचे नेते लालू प्रसाद यादव यांनी काँग्रेसवर निशाणा साधला आहे. बिहारमध्ये काँग्रेसोबत युती तुटल्याबाबत विचारण्यात आलेल्या प्रश्नावर लालू म्हणाले की, काँग्रेसची आघाडी म्हणजे काय आहे? आम्ही हरण्यासाठी काँग्रेसवर सर्व काही सोडून देतो? डिपॉझिट जप्त करण्यासाठी देतो?

लालूप्रसाद यादव यांचा चिराग पासवान यांना गळाला लावण्याचा प्रयत्न, तेजस्वी आणि त्यांनी एकत्र यावे अशी व्यक्त केली इच्छा

या अगोदर काँग्रेसचे बिहारचे प्रभारी भक्त चरणदास यांनी म्हटले की, त्यांची पार्टी २०२४ मध्ये राज्यातील सर्व ४० लोकसभा जागांवर स्वबळावर निवडणूक लढवेल. जर राजद आम्हाला मान नाही देऊ शकत तर मग आम्ही त्यांना कसा सन्मान देणार.