खासदारांच्या बंडाळी पूर्वी ठाकरे गटाची कारवाई; भावना गवळींना हटवून राजन विचारेंकडे प्रतोदपद!! Shivsena appointed Rajan vichare as loksabha chief whip, replacing bhavana gavli Shivsena appointed Rajan vichare as loksabha chief whip, replacing bhavana gavli

शिवसेना : खासदारांच्या बंडाळी पूर्वी ठाकरे गटाची कारवाई; भावना गवळींना हटवून राजन विचारेंकडे प्रतोदपद!!

प्रतिनिधी

मुंबई : शिवसेनेतल्या 40 आमदारांनी एकनाथ शिंदे यांच्या समवेत बंड करून महाराष्ट्रात शिवसेना-भाजप युतीचे सरकार आणले. या बंडाचे लोण खासदारांमध्ये पसरण्याची दाट शक्यता आहे. Shivsena appointed Rajan vichare as loksabha chief whip, replacing bhavana gavli

शिवसेनेच्या 18 पैकी 12 खासदार हे मुख्यमंत्री एकनाथ शिंदे यांच्या गटाशी संपर्क साधून असल्याच्या बातम्या आहेत. भावना गवळी आणि राहुल शेवाळे या खासदारांनी तर शिवसेना पक्षप्रमुख उद्धव ठाकरे यांना उघडपणे पत्र लिहून तशा भावना कळवल्या आहेत. खासदार राहुल शेवाळे यांना राष्ट्रपती निवडणुकीत राष्ट्रीय लोकशाही आघाडीच्या उमेदवार द्रौपदी मुर्मू यांना मतदान करायचे आहे. शिवसेनेच्या सर्व खासदारांनी द्रौपदी मुर्मू यांना पाठिंबा द्यावा, असे पत्र त्यांनी उद्धव ठाकरे यांना पाठविले आहे.

शिवसेनेत फूट : आमदारच नव्हे, तर खासदारही फुटताहेत; राजन विचारे, भावना गवळी, कृपाल तुमाने, राजेंद्र गावित शिंदे गटात!!

या पार्श्वभूमीवर शिवसेनेच्या उद्धव ठाकरे यांच्या गटाने एक राजकीय चाल खेळून खासदार भावना गवळी यांना लोकसभेतील प्रतोद पदावरून हटवून त्यांच्या जागी खासदार राजन विचारे यांची नियुक्ती केली आहे. खासदार राजन विचारे हे ठाणे जिल्ह्यातलेच असून एक प्रकारे मुख्यमंत्री एकनाथ शिंदे यांच्या गृह जिल्ह्यात त्यांना काटशह देण्यासाठी राजन विचारे यांच्याकडे प्रतोद पदाची जबाबदारी सोपविल्याची चर्चा आहे. दस्तूर खुद्द राजन विचारे यांनी आपला कल एकनाथ शिंदे यांच्याकडे दाखविल्याच्या बातम्या मराठी प्रसार माध्यमांनी दिल्या आहेत. परंतु, खुद्द त्यांनी मात्र त्याला दुजोरा अद्याप दिलेला नाही.

या पार्श्वभूमीवर राजन विचारे यांची नियुक्ती लोकसभेतल्या प्रतोपदी करणे ही खेळी शिवसेनेच्या ठाकरे गटाला अनुकूल ठरणार की प्रतिकूल ठरणार हे पाहणे महत्त्वाचे ठरणार आहे.