IND vs SCO T20 Playing 11: भारतीय संघाला स्कॉटलंडविरुद्ध मोठा विजय नोंदवावा लागेल, ही शेवटची प्लेयिंग इलेव्हन असू शकते

By, Pravin Wankhade - November 5, 2021 09:45:16

0

शुक्रवारी ( आज ) होणाऱ्या या सामन्यात भारतीय संघ पूर्ण ताकदीनिशी खेळण्यासाठी उतरेल आणि त्यांना मागील कामगिरीत सुधारणा करायची आहे.IND vs SCO T20 Playing 11: India have to record a big win against Scotland, it could be the last playing XI

विशेष प्रतिनिधी

नवी दिल्ली : भारतीय क्रिकेट संघाने अफगाणिस्तानचा ६६ धावांनी पराभव करत टी-२० विश्वचषक २०२१ मध्ये पहिला विजय संपादन केला.अफगाणिस्तानविरुद्ध विजय मिळवूनही भारतीय संघासाठी उपांत्य फेरीचा रस्ता सोपा नाही. टीम इंडियाला पुढचे दोन सामने तर जिंकायचे आहेतच शिवाय मोठ्या फरकाने आपले नाव कोरायचे आहे. एवढेच नाही तर अफगाणिस्तान आणि न्यूझीलंड यांच्यातील सामन्याचा निकालही संघासाठी महत्त्वाचा असेल.

भारताला आता सुपर 12 टप्प्यातील चौथा गट सामना स्कॉटलंडविरुद्ध खेळायचा आहे. शुक्रवारी ( आज ) होणाऱ्या या सामन्यात भारतीय संघ पूर्ण ताकदीनिशी खेळण्यासाठी उतरेल आणि त्यांना मागील कामगिरीत सुधारणा करायची आहे.तीनपैकी एक सामना जिंकून भारतीय संघ सध्या गुणतालिकेत ०.०७३ च्या धावगतीने चौथ्या स्थानावर आहे आणि उपांत्य फेरी गाठण्यासाठी त्यांना अफगाणिस्तानबरोबरच विजयाची आशा करावी लागेल.

भारतीय क्रिकेट संघाच्या भावी कर्णधारपदी केएल राहुलला संधी द्यावी – सुनील गावसकर

रोहित-राहुलचा फॉर्म संघासाठी आनंददायी आहे

रोहित शर्मा आणि केएल राहुल ही स्टार सलामीची जोडी अफगाणिस्तानविरुद्ध लयीत दिसली. भारतीय जोडीने मिळून संघाला दमदार सुरुवातच केली नाही तर १४० धावांची विक्रमी भागीदारी करून आपापले अर्धशतकही पूर्ण केले.या जोडीकडून भविष्यातही अशाच कामगिरीची भारतीय संघाला अपेक्षा असेल.

अश्विनच्या पुनरागमनामुळे गोलंदाजी मजबूत झाली

पहिल्या दोन सामन्यांमध्ये वरुण चक्रवर्तीला संधी मिळाली पण त्याला एकही यश मिळू शकले नाही.त्याच्यासह अन्य गोलंदाजांनीही निराशा केली.मात्र, अफगाणिस्तानविरुद्ध रविचंद्रन अश्विनला संधी मिळाली आणि त्याने रवींद्र जडेजासोबत चमत्कार घडवले. चार वर्षांनंतर टी-२०आंतरराष्ट्रीय सामन्यांमध्ये पुनरागमन करताना अश्विनने चार षटकात १४ धावा देत दोन विकेट घेतल्या.

पंत-पंड्या फॉर्ममध्ये

अफगाणिस्तानविरुद्धच्या सामन्यात, ऋषभ पंत आणि हार्दिक पांड्याला फलंदाजी देण्यात आली आणि दोघांनीही जोरदार धावा केल्या. दोन्ही खेळाडूंनी मिळून २२ चेंडूत ६३ धावांची नाबाद भागीदारी केली. पुढील सामन्यांमध्येही या दोघांकडून अशाच कामगिरीची भारतीय संघाला अपेक्षा असेल.

स्कॉटलंड उलट करू शकतो

स्पर्धा, विशेषत: सुपर १२ टप्पा स्कॉटलंड संघासाठी चांगला गेला नाही. संघाने न्यूझीलंडविरुद्ध थोडीफार झुंज देण्याचा प्रयत्न केला आणि किवीजवर दडपण ठेवले तरी १६ धावांनी विजय हुकला.अशा स्थितीत भारतीय संघाला त्यांना हलके घेणे आवडणार नाही.

IND vs SCO T20 Playing 11: India have to record a big win against Scotland, it could be the last playing XI

महत्त्वाच्या बातम्या

Array