नुसरत भरूचाला नेमकं काय झालं? बालीतील अपघातानंतर मुंबईत एअरलिफ्ट

By, wankhadepravin - October 3, 2026 02:30:08

0

विशेष प्रतिनिधी

मुंबई : बॉलिवूड अभिनेत्री नुसरत भरूचा हिचा बालीमध्ये अपघात झाल्याची माहिती समोर आली आहे. या अपघातात तिच्या पाठीच्या कण्याला गंभीर दुखापत झाल्याचे सांगितले जात आहे. सुरुवातीला बालीतील रुग्णालयात तिच्यावर उपचार करण्यात आले. त्यानंतर पुढील उपचार आणि शस्त्रक्रियेसाठी तिला एअर अॅम्ब्युलन्सने मुंबईत आणण्यात आले. Nushrratt Bharuccha

नुसरत भरूचा एका प्रोजेक्टच्या कामासाठी बालीला गेली होती. काम पूर्ण झाल्यानंतर ती तिथेच सुट्टीचा आनंद घेत होती. याचदरम्यान तिचा अपघात झाला आणि ती गंभीर जखमी झाली. पाठीच्या कण्याला फ्रॅक्चर झाल्याचेही सांगितले जात आहे.

अपघातानंतर तिला बालीतील रुग्णालयात दाखल करण्यात आले होते. मात्र, पुढील उपचारांसाठी तिला मुंबईत आणण्याचा निर्णय घेण्यात आला. मुंबईत तिच्या पाठीच्या कण्यावर शस्त्रक्रिया करण्यात येणार असल्याची माहिती समोर आली आहे.

चाकण-हिंजवडीच्या 1,826 कोटींच्या आराखड्याला फडणवीसांची तत्त्वतः मंजुरी; डिसेंबरपासून कामांना सुरुवात

दरम्यान, एअर अॅम्ब्युलन्सने मुंबईत आणल्यानंतर नुसरत भरूचाचे काही फोटो आणि व्हिडीओ सोशल मीडियावर व्हायरल होत आहेत. या व्हिडीओमध्ये नुसरतला स्ट्रेचरवरून रुग्णालयात नेताना दिसत आहे. ती शुद्धीवर असून आसपासच्या व्यक्तींशी संवाद साधताना दिसत असल्याचेही व्हिडीओतून पाहायला मिळते.

नुसरतला ऑक्सिजन सपोर्ट देण्यात आल्याचेही व्हिडीओमध्ये दिसत आहे. दुखापतीमुळे तिला त्रास होत असल्याचे दृश्यांमधून जाणवत आहे. मात्र, तिची प्रकृती नेमकी किती गंभीर आहे, तसेच शस्त्रक्रियेबाबतची अधिकृत वैद्यकीय माहिती अद्याप स्पष्ट झालेली नाही.