जबरदस्त : जम्मू -काश्मिरात देशद्रोह आणि दगडफेक करणाऱ्यांना ना पासपोर्ट मिळणार, ना सरकारी नोकरी, आदेश जारी । Traitors And Stone Pelters Will Neither Get Passport Nor Government Job In Jammu And Kashmir

जबरदस्त : जम्मू -काश्मिरात देशद्रोह आणि दगडफेक करणाऱ्यांना ना पासपोर्ट मिळणार, ना सरकारी नोकरी; आदेश जारी

Traitors And Stone Pelters Will Neither Get Passport Nor Government Job In Jammu And Kashmir

Jammu And Kashmir : काश्मीर खोऱ्यात दहशतवादाचे कंबरडे मोडले आहे. फुटीरतावाद्यांचे दिवस संपले आहेत. पण काही देशद्रोही घटक अद्यापही छोट्या-मोठ्या घटनांमधून सक्रिय आहेत. आता अशा देशद्रोही आणि दगडफेक करणाऱ्यांची खैर नाही. देशाविरोधात षडयंत्र रचणाऱ्यांवर कारवाई करण्याचा आदेश जारी करण्यात आला आहे. या आदेशानुसार, देशाविरुद्ध घोषणा देणाऱ्यांना आणि दगडफेक करणाऱ्यांना सरकारी नोकऱ्या दिल्या जाणार नाहीत. Traitors And Stone Pelters Will Neither Get Passport Nor Government Job In Jammu And Kashmir

विशेष प्रतिनिधी

श्रीनगर : काश्मीर खोऱ्यात दहशतवादाचे कंबरडे मोडले आहे. फुटीरतावाद्यांचे दिवस संपले आहेत. पण काही देशद्रोही घटक अद्यापही छोट्या-मोठ्या घटनांमधून सक्रिय आहेत. आता अशा देशद्रोही आणि दगडफेक करणाऱ्यांची खैर नाही. देशाविरोधात षडयंत्र रचणाऱ्यांवर कारवाई करण्याचा आदेश जारी करण्यात आला आहे. या आदेशानुसार, देशाविरुद्ध घोषणा देणाऱ्यांना आणि दगडफेक करणाऱ्यांना सरकारी नोकऱ्या दिल्या जाणार नाहीत. एवढेच नाही तर असे लोक पासपोर्ट सेवेचा लाभ घेऊ शकणार नाहीत. सीआयडीने या संदर्भात सर्व युनिट्सना आदेश जारी केले आहेत.

गुन्हे अन्वेषण विभाग, विशेष शाखा-काश्मीरने जारी केलेल्या पत्रकात म्हटले आहे की, सर्व क्षेत्रीय युनिट्सना हे सुनिश्चित करण्याचे निर्देश देण्यात आले आहेत की, कायदा आणि सुव्यवस्था, दगडफेकीच्या प्रकरणांमध्ये सहभाग आणि पासपोर्ट सेवा किंवा अन्य कोणत्याही सेवेशी संबंधित पडताळणीदरम्यान इतर गुन्ह्यांमध्ये एखाद्याचा सहभाग आहे अथवा नाही हे स्थानिक पोलिस स्टेशनच्या रेकॉर्डद्वारे पडताळले पाहिजे. डिजिटल पुरावे जसे की सीसीटीव्ही फुटेज, छायाचित्रे, व्हिडिओ आणि पोलिस रेकॉर्डमध्ये उपलब्ध ऑडिओ क्लिप, क्वाडकोप्टर इमेजदेखील स्कॅन केल्या पाहिजेत. अशा कोणत्याही प्रकरणात सहभाग आढळल्यास अशांना सरकारी नोकरी व पासपोर्ट देण्यात येऊ नये.