आता तुम्ही तुमचे वय फेसबुकपासून लपवू शकणार नाही, १३ वर्षांपेक्षा कमी वयाचे युजर्स ओळखसाठी हे खास तंत्रज्ञान वापरणार

Facebook Developing Artificial Intelligence, New Ways to Detect Users Under Age of 13

Facebook Developing Artificial Intelligence : 13 वर्षांपेक्षा कमी वयाच्या लोकांची खाती शोधणे आणि हटवणे सोपे नाही हे मान्य करून फेसबुकने म्हटले आहे की, ते 13 वर्षांखालील मुलांना त्यांच्या वयाबद्दल खोटे बोलू नये हे समजावण्याचे मार्ग शोधत आहेत. फेसबुक आणि इंस्टाग्राम 13 वर्षांपेक्षा कमी वयाच्या मुलांसाठी डिझाइन केलेले नव्हते, म्हणून कंपनी आता अल्पवयीनांना साइन अप करण्यापासून रोखण्यासाठी नवीन प्रणाली तयार करत आहे Facebook Developing Artificial Intelligence, New Ways to Detect Users Under Age of 13


विशेष प्रतिनिधी

नवी दिल्ली : 13 वर्षांपेक्षा कमी वयाच्या लोकांची खाती शोधणे आणि हटवणे सोपे नाही हे मान्य करून फेसबुकने म्हटले आहे की, ते 13 वर्षांखालील मुलांना त्यांच्या वयाबद्दल खोटे बोलू नये हे समजावण्याचे मार्ग शोधत आहेत. फेसबुक आणि इंस्टाग्राम 13 वर्षांपेक्षा कमी वयाच्या मुलांसाठी डिझाइन केलेले नव्हते, म्हणून कंपनी आता अल्पवयीनांना साइन अप करण्यापासून रोखण्यासाठी नवीन प्रणाली तयार करत आहे.

फेसबुकमधील युथ प्रॉडक्ट्सचे व्हीपी पवनी दिवाणजी म्हणाले, “आम्ही अल्पवयीनांची खाती शोधण्यासाठी आणि काढून टाकण्यासाठी AI विकसित करत आहोत, आणि लोकांच्या वयाची पडताळणी करण्यासाठी नवीन उपाययोजना वापरत आहोत. आम्ही 13 वर्षांपेक्षा कमी वयाच्या लोकांसाठी डिझाइन केलेले अनुभवही तयार करत आहोत.”

फेसबुक ऑपरेटिंग सिस्टम (ओएस) प्रदाता, इंटरनेट ब्राउझर आणि इतर प्रदात्यांसह काम करत आहे जेणेकरून अॅप्स इन्स्टॉल करण्यात मदत करण्यासाठी एखादा योग्य वयाचे आहे की नाही हे माहिती शेअर करेल. कंपनीने म्हटले, “बरेच जण असा युक्तिवाद करतात की, आयडी संकलन हे या क्षेत्रातील समस्येचे उत्तर आहे, परंतु या दृष्टिकोनाला खूप मर्यादा आहेत. अनेक तरुणांकडे आयडी नाहीत, आयडी संकलन हा योग्य किंवा न्याय्य उपाय असू शकत नाही.”

त्यात असे म्हटले आहे की, एखाद्याकडे सरकारी ID असणे हे ती व्यक्ती जगात कुठे राहते यावर अवलंबून असते. फेसबुकने नमूद केले की, “काही जणांना आयडी सहज मिळतो, परंतु जोपर्यंत ते प्रवास करणे निवडत नाहीत तोपर्यंत त्यांना मिळत नाही, आणि काहींना ते परवडत नाही. खरं तर, जगात आयडी असण्याची कमतरता आहे. ही कमतरता मुख्यत: तरुण, महिला या वर्गात आहे.

सध्या, जेव्हा लोक खात्यात साइन अप करण्यासाठी फेसबुक अॅप उघडतात, तेव्हा त्यांना त्यांच्या वाढदिवसाबद्दल विचारले जाते. याला एज स्क्रीन म्हणतात. पण एखाद्याच्या वयाची पडताळणी करणे वाटते तितके सोपे नाही. आमच्या क्षेत्रात एज स्क्रीन सामान्य आहेत. अनेकदा तरुण त्यांच्या वयाची चुकीची माहिती देत असतात.

दिवाणजींनी एका निवेदनात म्हटले की, “वास्तविकता अशी आहे की ते आधीच ऑनलाइन आहेत आणि लोकांना त्यांच्या वयाची चुकीची माहिती देण्यापासून रोखण्याचा कोणताही सोपा मार्ग नाही, आम्हाला विशेषतः आईवडील आणि पालकांनी व्यवस्थापित करता येईल असे त्यांच्यासाठी डिझाइन केलेले अनुभव तयार करायचे आहेत.” यात ट्विन्ससाठी एक नवीन इंस्टाग्राम अनुभव समाविष्ट आहे.

कंपनीने म्हटले की, आमचा विश्वास आहे की वयोमानानुसार आणि पालकांनी व्यवस्थापित केलेल्या अनुभवाचा वापर करण्यासाठी त्यांना प्रोत्साहित करणे हा योग्य मार्ग आहे. अनुभव पुरेसे आकर्षक करण्यासाठी संपूर्ण समुदायाचे योगदान यात लागणार आहे. जेणेकरून या वयोगटाचा वापर आकर्षक करता येईल. फेसबुकने आधीच एक तंत्रज्ञान विकसित केले आहे जे लोकांना त्यांच्या वयाचा अंदाज लावू शकते, जसे की कोणी, 18 वर्षांपेक्षा कमी वयाचे आहे किंवा नाही.

दिवाणजींनी स्पष्ट केले, “आम्ही अशा गोष्टींकडे विशेष लक्ष देतो. उदा. लोक तुम्हाला वाढदिवसाच्या शुभेच्छा देतात, तेव्हा त्या संदेशातील वय व त्याच्याशी निगडित गोष्टी पाहतो. तुम्ही फेसबुकवर आमच्यासोबत शेअर केलेल्या वयालाही पाहतो आणि आमच्या इतर अॅप्सवर लागू करतो. जिथे तुम्ही तुमचे खाते लिंक केले असेल. म्हणून जर तुम्ही तुमचा वाढदिवस आमच्यासोबत फेसबुकवर शेअर केला तर आम्ही तो तुमच्या इन्स्टाग्रामवरील लिंक केलेल्या खात्यासाठी वापरू.”

फेसबुकने आहे की, ते कृत्रिम बुद्धिमत्ता तंत्रज्ञानाची माहिती देण्यासाठी विद्यमान डेटा वापरण्यावर लक्ष केंद्रित करत आहे. जिथे आम्हाला वाटते की आम्हाला अधिक माहितीची गरज आहे, आम्ही एखाद्याचे वय सिद्ध करण्यासाठी पर्यायांचा मेनू विकसित करत आहोत. हे काम प्रगतिपथावर आहे आणि वेळोवेळी आमच्याकडे अधिक माहिती शेअर होत आहे.

Facebook Developing Artificial Intelligence, New Ways to Detect Users Under Age of 13

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात