पाकिस्तानी अधिकाऱ्यांनीच काढले इम्रान सरकारचे धिंडवडे, पगार न मिळाल्याने थेट ट्वीटरवरच व्यक्त केले दु:ख|Pakistan embassy expressed grief over not getting salary on Twitter, wrote

पाकिस्तानी अधिकाऱ्यांनीच काढले इम्रान सरकारचे धिंडवडे ; पगार न मिळाल्याने थेट ट्वीटरवरच व्यक्त केले दु:ख

घोर आर्थिक संकटात असलेल्या पाकिस्तानची स्थिती अतिशय वाईट झाली आहे. कहर म्हणजे पाकिस्तान सरकार आपल्या सरकारी कर्मचाऱ्यांना पगारही देऊ शकत नाही. आतापर्यंत सरकारी कर्मचारी केवळ यावर बोलतच होते, मात्र आता त्यांची व्यथा जगासमोर आली आहे. पाकिस्तानमधील सर्बियन दूतावासाच्या अधिकृत ट्विटर पेजवरून अधिकारी आणि कर्मचाऱ्यांनी ट्विट करून आपल्या वेदना शेअर केल्या आहेत.Pakistan embassy expressed grief over not getting salary on Twitter, wrote – Sorry Imran, there was no option

वृत्तसंस्था

नवी दिल्ली : घोर आर्थिक संकटात असलेल्या पाकिस्तानची स्थिती अतिशय वाईट झाली आहे. कहर म्हणजे पाकिस्तान सरकार आपल्या सरकारी कर्मचाऱ्यांना पगारही देऊ शकत नाही. आतापर्यंत सरकारी कर्मचारी केवळ यावर बोलतच होते, मात्र आता त्यांची व्यथा जगासमोर आली आहे. पाकिस्तानमधील सर्बियन दूतावासाच्या अधिकृत ट्विटर पेजवरून अधिकारी आणि कर्मचाऱ्यांनी ट्विट करून आपल्या वेदना शेअर केल्या आहेत.

सर्बियाच्या दूतावासाने केलेल्या ट्विटमध्ये लिहिले आहे की, ‘महागाईने आपले पूर्वीचे सर्व विक्रम मोडले आहेत, त्यामुळे सरकारी कर्मचारी गप्प बसतील आणि गेले तीन महिने पगार न देता काम करत राहतील, अशी अपेक्षा इम्रान खान किती दिवस करततील. आम्ही आमच्या मुलांच्या शाळेची फी भरण्यास असमर्थ आहोत. फी न भरल्याने त्यांना शाळेतूनही काढून टाकण्यात आले आहे.”

पाकिस्तान कंगाल, देश चालविण्यासाठीही पैसे नसल्याची पंतप्रधान इम्रान खान यांची कबुली

या ट्विटसोबत आणखी एक ट्विट करण्यात आले असून इम्रान खान यांना टॅग करत, आम्हाला माफ करा, आमच्याकडे दुसरा कोणताही पर्याय शिल्लक नव्हता, असे लिहिले आहे. यासोबतच या ट्विटमध्ये एक फोटोही टाकण्यात आला आहे, ज्यावर लिहिले आहे- ‘तुम्ही घाबरू नका.’

पाकिस्तान गंभीर आर्थिक संकटात

अलीकडेच, पाकिस्तानचे पंतप्रधान इम्रान खान यांनी एका सार्वजनिक व्यासपीठावर देशात गंभीर आर्थिक संकट सुरू असल्याची कबुली दिली आहे. कल्याणकारी योजना राबवण्यासाठी सरकारकडे पैसा नाही, कर्मचाऱ्यांना पगार देता येत नाही. महसूल संकलनात घट झाली असून परकीय कर्ज वाढत असल्याची कबुली त्यांनी कार्यक्रमादरम्यान दिली.

पाकिस्तानच्या परराष्ट्र मंत्रालयाने यासंदर्भात एक निवेदन जारी केले आहे. सर्बियन दूतावासाचे सोशल मीडिया अकाउंट हॅक करण्यात आल्याचे परराष्ट्र मंत्रालयाने म्हटले आहे.