Trudeaus : ट्रुडोचा अभिमान तुटणार, कॅनडाला मिळू शकेल पहिला “हिंदू पंतप्रधान”

By, Pravin Wankhade - January 11, 2025 09:00:55

0

या शर्यतीत भारतीय वंशाच्या दोन हिंदू खासदारांची नावे आघाडीवर आहेत.

विशेष प्रतिनिधी

ओटावा: Trudeaus कॅनडाचे माजी पंतप्रधान जस्टिन ट्रुडो यांचा अभिमान लवकरच तुटणार आहे. भारतावर हल्लाबोल करणाऱ्या जस्टिन ट्रुडो यांना अलिकडेच अल्पसंख्याक सरकारमुळे पंतप्रधानपदाचा राजीनामा द्यावा लागला. यानंतर, कॅनडा नवीन पंतप्रधानाच्या शोधात आहे.Trudeaus

या शर्यतीत भारतीय वंशाच्या दोन हिंदू खासदारांची नावे आघाडीवर आहेत. अशा परिस्थितीत कॅनडाला पहिला हिंदू पंतप्रधान मिळण्याची शक्यता वाढली आहे. या बातमीने जस्टिन ट्रुडो यांच्या चेहऱ्यावरील रंग उडाला आहे. कारण जर असे झाले तर ते ट्रुडोसाठी मोठा धक्का असेल.

Ajit Pawar शेतकऱ्यांना कर्जमाफी देण्याबाबत अर्थमंत्री अजित पवार चक्क नाही होऊन पडले?

कॅनडाच्या पंतप्रधानपदाच्या शर्यतीत ज्यांची नावे आघाडीवर आहेत ते दोन हिंदू नेते कोण आहेत? यामध्ये अनिता आनंद आणि खासदार चंद्रा आर्य यांची नावे पहिल्या रांगेत आहेत. अनिता आनंद जस्टिन ट्रुडो यांच्या सरकारमध्ये परिवहन मंत्री होत्या. २०१९ मध्ये, त्या कॅनडातील ओकव्हिल येथून पहिल्यांदाच खासदार म्हणून निवडून आल्या. त्यांच्या वडिलांचे नाव डॉ. एस.व्ही. आनंद आणि आईचे नाव डॉ. सरोज डी. राम आहे, जे भारतातून कॅनडाला स्थलांतरित झाले.

अनिता आनंद यांचा जन्म २० मे १९६७ रोजी कॅनडातील नोव्हा स्कॉशिया येथील केंटविले येथे झाला. त्यांनी टोरंटो विद्यापीठातून कायद्याची पदवी प्राप्त केली. अनिता आनंद यांनी १९९५ मध्ये कॅनेडियन वकील आणि उद्योगपती जॉन नॉल्टन यांच्याशी लग्न केले.

कॅनडाच्या पंतप्रधानपदाच्या शर्यतीत चंद्रा आर्य यांचे नावही आघाडीवर आहे. ते भारतीय वंशाचे कॅनडाचे खासदार आहेत. चंद्र आर्य यांचा जन्म कर्नाटकात झाला. त्यांनी कॅनडाला एक सार्वभौम राष्ट्र बनवण्याचे, पॅलेस्टाईनला मान्यता देण्याचे, निवृत्तीचे वय वाढवण्याचे आणि नागरिकत्व-आधारित कर प्रणाली सुरू करण्याचे आश्वासन दिले आहे.