वृत्तसंस्था
नवी दिल्ली : आंध्र प्रदेशातील एका 45 वर्षीय अभियंत्याला सौदी अरेबियात तुरुंगात जावे लागले. कारण त्याने घराच्या दारावर स्वस्तिकचे स्टिकर लावले होते. खरं तर, शेजाऱ्याला हे प्रतीक हिटलरचे नाझी चिन्ह वाटले, त्यानंतर त्याने पोलिसांत तक्रार केली आणि पोलिसांनी भारतीय व्यक्तीला अटकही केली. आता समजावून सांगितल्यानंतर पोलिसांना समजले कळले की हे चिन्ह स्वस्तिक आहे, नाझी चिन्ह नाही, परंतु शनिवार आणि रविवार सुटी असल्याने भारतीय अभियंत्याला दोन दिवस तुरुंगात काढावे लागणार आहेत.Indian jailed for putting swastika on house door, action taken on neighbor’s complaint in Saudi Arabia
काय आहे संपूर्ण प्रकरण?
आंध्र प्रदेशातील गुंटूर येथील एक अभियंता एक वर्षाहून अधिक काळ सौदी अरेबियात काम करत आहे. सुमारे 15-20 दिवसांपूर्वी अभियंत्याने कुटुंबीयांनाही सौदी अरेबियात बोलावले होते. त्यांच्या धार्मिक श्रद्धेमुळे कुटुंबातील सदस्यांनी त्यांच्या फ्लॅटच्या दारावर स्वस्तिक चिन्ह लावले. जे त्याच्या शेजारी स्थानिक अरब माणसाला हिटलरचे नाझी चिन्ह वाटले. यानंतर स्थानिक व्यक्तीने पोलिसांत तक्रार केली आणि आपल्या जीवाला धोका असल्याचे सांगितले.
तक्रारीवर कारवाई करत पोलिसांनी आंध्र येथील अभियंत्याला अटक केली. अभियंत्याने खूप समजावण्याचा प्रयत्न केला की, ते नाझींचे प्रतीक नसून हिंदू धर्माचे पवित्र प्रतीक आहे; पण पोलीस अधिकारी ते मान्य करत नव्हते. पोलिसांनी केमिकल इंजिनिअर असलेल्या या भारतीय व्यक्तीला तुरुंगात टाकले.
एनआरआय कार्यकर्त्याने मदत केली
मुझम्मील शेख या अनिवासी भारतीय कार्यकर्त्याने भारतीय अभियंत्याला मदतीचा हात पुढे केला आणि अधिकाऱ्यांना समजावून सांगितले, शेवटी त्यांनी ते मान्य केले. मात्र, शनिवार आणि रविवार सुटी असल्याने भारतीय अभियंत्याला कोणताही गुन्हा न करता दोन दिवस तुरुंगात काढावे लागणार आहेत.
संस्कृतीच्या गैरसमजातून ही घटना घडल्याचे मुजम्मील शेख यांनी सांगितले. आम्ही अधिकाऱ्यांना सांगितले की, स्वस्तिक चिन्ह हिंदू धर्मात अत्यंत पवित्र मानले जाते आणि ते सुख आणि समृद्धीसाठी घराच्या दारावर लावले जाते. सौदी अरेबियात भारतीय समुदायासाठी काम करणाऱ्या केरळमधील नैस शौकत अली यांनीही भारतीय अभियंत्याला मदत केली.
नाझी चिन्ह काळ्या रंगाचे आहे आणि त्याभोवती एक पांढरे वर्तुळ आहे. चिन्ह 45 अंशांच्या कोनात किंचित झुकलेले आहे. दुसरीकडे, स्वस्तिक चिन्ह हे चौरस आहे. हिंदू धर्मातील सर्व शुभ कार्यात स्वस्तिक बनवले जाते. तर नाझी चिन्ह हे द्वेष आणि नरसंहाराचे प्रतीक मानले जाते.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more