Haryana Violence : नूहमध्ये ५ ऑगस्टपर्यंत इंटरनेट बंद, मानेसर-सोहनासह गुडगावच्या या भागात निर्बंध Haryana Violence Internet shutdown till August 5 in Noah restrictions in Gurgaon including Manesar Sohana

Haryana Violence : नूहमध्ये ५ ऑगस्टपर्यंत इंटरनेट बंद, मानेसर-सोहनासह गुडगावच्या या भागात निर्बंध

सोशलमीडिया पोस्टची चौकशी करण्यासाठी ती सदस्यीय समिती स्थापन केली आहे.

विशेष प्रतिनिधी

फरिदाबाद : हरियाणामधील हिंसाचाराच्या पार्श्वभूमीवर शांतता आणि सार्वजनिक सुव्यवस्था राखण्यासाठी नूह, फरीदाबाद आणि पलवल जिल्ह्यांच्या कार्यक्षेत्रात आणि गुरुग्राम जिल्ह्यातील सोहना, पतौडी आणि मानेसर उपविभागाच्या प्रादेशिक कार्यक्षेत्रातील मोबाइल इंटरनेट सेवा ५ ऑगस्टपर्यंत बंद राहणार आहे. Haryana Violence Internet shutdown till August 5 in Noah restrictions in Gurgaon including Manesar Sohana

हरियाणा सरकारने गुरुवारी सकाळी हा आदेश जारी केला. हरियाणाने नूह संघर्षाच्या पार्श्वभूमीवर अलीकडील सोशलमीडिया पोस्टची चौकशी करण्यासाठी ती सदस्यीय समिती स्थापन केली आहे.

राज्य सरकारने जारी केलेल्या परिपत्रकात म्हटले आहे की, ‘मोबाईल फोन आणि एसएमएसवर व्हॉट्सअॅप, फेसबुक ट्विटर इत्यादी विविध सोशल मीडिया प्लॅटफॉर्मद्वारे चुकीची माहिती आणि अफवा पसरवण्यापासून रोखण्यासाठी, हरियाणाच्या गृह सचिवांनी मोबाइल इंटरनेट सेवांवर बंदी घालण्याचे निर्देश दिले आहेत. ही सेवा निलंबित करण्याचे आदेश दिले आहेत. या माध्यमांचा गैरवापर चुकीची माहिती पसरवण्यासाठी, निदर्शकांचा जमाव संघटित करण्यासाठी केला जाऊ शकतो, ज्यामुळे गंभीर जीवितहानी होऊ शकते आणि जाळपोळ किंवा तोडफोड आणि इतर प्रकारच्या हिंसक कारवायांमध्ये सहभागी होऊन सार्वजनिक आणि खाजगी मालमत्तेचे नुकसान होऊ शकते.