NSO Group : अॅपल कंपनीकडून आयफोन वापरकर्त्यांना लक्ष्य केल्याबद्दल इस्रायलच्या एनएसओ ग्रुपवर खटला

By, Vishal Joshi - November 24, 2021 12:45:25

0

टेक जायंट अॅपलने कॅलिफोर्नियातील फेडरल कोर्टात इस्रायलच्या NSO समूहाविरुद्ध ऍपल वापरकर्त्यांवर लक्ष ठेवण्यासाठी आणि त्यांना लक्ष्य करण्यासाठी खटला दाखल केला आहे. अॅपलने न्यायालयात दाखल केलेल्या तक्रारीत म्हटले आहे की, NSO समूहाने अत्यंत अत्याधुनिक सायबर-निरीक्षण यंत्रणा तयार केली आहे, ज्याचा नियमितपणे आणि उघडपणे गैरवापर केला जातो. Apple sues NSO Group for targeting iPhone users

वृत्तसंस्था

नवी दिल्ली : टेक जायंट अॅपलने कॅलिफोर्नियातील फेडरल कोर्टात इस्रायलच्या NSO समूहाविरुद्ध ऍपल वापरकर्त्यांवर लक्ष ठेवण्यासाठी आणि त्यांना लक्ष्य करण्यासाठी खटला दाखल केला आहे. अॅपलने न्यायालयात दाखल केलेल्या तक्रारीत म्हटले आहे की, NSO समूहाने अत्यंत अत्याधुनिक सायबर-निरीक्षण यंत्रणा तयार केली आहे, ज्याचा नियमितपणे आणि उघडपणे गैरवापर केला जातो.

अॅपलने तक्रारीत काय म्हटले?

यासोबतच अॅपलने आपल्या तक्रारीत म्हटले आहे की, अॅपलच्या ग्राहकांना एनएसओ ग्रुपच्या स्पायवेअर पेगाससने लक्ष्य केले आहे. अॅपलने म्हटले आहे की, NSO ग्रुपच्या स्पायवेअर पेगाससचा वापर जगभरातील अॅपलच्या विशिष्ट ग्राहकांवर हल्ला करण्यासाठी केला गेला.

अ‍ॅपलला मागे टाकत मायक्रोसॉफ्ट बनली जगातील सर्वात मौल्यवान कंपनी, २.४९ ट्रिलियन डॉलर मार्केट कॅप

अॅपलचे सॉफ्टवेअर अभियांत्रिकीचे वरिष्ठ उपाध्यक्ष, क्रेग फेडेरिघी यांनी एनएसओ समूहाचे वर्णन सरकार-प्रायोजित म्हणून केले, ते म्हणाले की ते कोणत्याही प्रभावी जबाबदारीशिवाय अत्याधुनिक पाळत ठेवण्यावर तंत्रज्ञानावर लाखो डॉलर्स खर्च होतात. ते बदलण्याची गरज आहे.

तथापि, एनएसओ ग्रुपने वारंवार हेरगिरीचा मुद्दा फेटाळला आहे. त्यांनी म्हटले की, त्यांची उत्पादने दहशतवाद आणि गुन्हेगारी रोखण्यासाठी विविध देशांच्या सरकारकडून वापरली जातात. आतापर्यंत, एनएसओ समूहाने अॅपलने दाखल केलेल्या खटल्यावर कोणतीही प्रतिक्रिया दिलेली नाही.

एनएसओ ग्रुपवर सोशल मीडिया दिग्गज फेसबुकद्वारे देखील खटला दाखल केला जात आहे. याशिवाय नुकतेच अमेरिकेच्या वाणिज्य विभागाने या ग्रुपला काळ्या यादीत टाकले होते. यानंतर आता अॅपलची ही कारवाई होत आहे.

एनएसओवरून जगभरात वाद

काही काळापूर्वी सुरक्षा संशोधकांना असे आढळून आले की पेगाससचा वापर जगभरातील मानवाधिकार कार्यकर्ते, पत्रकार आणि अगदी कॅथोलिक धर्मगुरूंवर पाळत ठेवण्यासाठी केला जात आहे. पेगासस हे एनएसओ ग्रुपचे स्पायवेअर आहे. याची जगभर चर्चा झाली. भारतातही यावर बरीच चर्चा झाली. यावरून विरोधकांनी मोदी सरकारवर जोरदार निशाणा साधला होता.