विशेष प्रतिनिधी
पुणे : पुण्यातील महत्वाकांक्षी नदी सुधार योजनेला राष्ट्रवादी कॉँग्रेसचे अध्यक्ष शरद पवार यांनी विरोध केला होता. त्यामुळे पंतप्रधानांच्या हस्ते भूमिपूजन झालेल्या या योजनेत ठाकरे सरकारने अडथळा आणला आहे. मात्र, राष्ट्रवादीच्याच नगरसेवकांनी मलिद्यासाठी या योजनेला महापालिकेत पाठिंबा दिला होता.Thet Thackeraygovernment obstructed the river development project
राज्य सरकारकडून या प्रकल्पावर असणाऱ्या आक्षेपांबाबत एक समिती स्थापन करण्याचा निर्णय घेतला आहे. नदीकाठ सुधार योजनेवरील आक्षेप, योजनेतील कामे, परिणाम या बाबींचा अभ्यास करण्यासाठी समिती स्थापन करणार आहे. यासाठी नगरविकास, जलसंपदा आणि पर्यावरण खात्यातील सचिवांची समिती नेमण्यात येणार आहे.
या समितीद्वारे येत्या आठ ते दहा दिवसात अहवाल सादर करण्यात येणार आहे. त्यानंतर मुख्यमंत्री ठाकरे हे शरद पवारांशी चर्चा करणार आहेत अशी प्राथमिक माहिती समोर आली आहे. भाजपची पुणे मनपात सत्ता असल्याने ठाकरे सरकाकडून भाजपला मोठा धक्का देण्यात आला आहे.
विशेष म्हणजे या योजनेच्या भूमिपूजन कार्यक्रमाला उपमुख्यमंत्री अजित पवार यांची उपस्थिती होती. त्याचबरोबर त्यांच्याच इशाऱ्यावर काम करणाºया नगरसेवकांनी या योजनेला पाठिंबा दिला होता.पंतप्रधान नरेंद्र मोदी यांच्या उपस्थितीत नुकतेच नदीसुधार योजनेचे भूमिपूजन झाले होते.
त्याच्या आदल्या दिवशी शरद पवार यांनी पत्रकार परिषद घेऊन योजनेच्या व्यवहारर्यतेवर प्रश्नचिन्ह उपस्थित केले होते. ते म्हणाले होते की मी इंजिनिअर नाही. परंतु, पुण्याच्या वरती पाच धरणे आहेत. मोठा पाऊस पडून जर पाणी सोडण्याची वेळ आली तर मोठा महापूर येऊ शकतो. त्यावेळी नदी सुधार योजनेचे काय होईल?
To be published, comments must be reviewed by the administrator.*
Our website uses cookies to improve your experience. Learn more
Download App