राष्ट्रपती रायगडावर हेलिकॉप्टरने नव्हे, रोपवेने येणार; शिवभक्तांच्या भावनांचा आदर राखल्याबद्दल खा. संभाजीराजेंनी मानले आभार । The President will come to Raigad by ropeway, not by helicopter; for respecting the feelings of devotees says MP Sambhaji Raje

राष्ट्रपती रायगडावर हेलिकॉप्टरने नव्हे, रोपवेने येणार; शिवभक्तांच्या भावनांचा आदर राखल्याबद्दल खा. संभाजीराजेंनी मानले आभार

The President will come to Raigad by ropeway, not by helicopter; for respecting the feelings of devotees says MP Sambhaji Raje

MP Sambhaji Raje : भारताचे राष्ट्रपती रामनाथ कोविंद हे छत्रपती शिवाजी महाराजांच्या समाधीला अभिवादन करण्यासाठी दुर्गराज रायगडावर ६ डिसेंबर रोजी येणार आहेत. यासाठी आधी ते हेलिकॉप्टरने येणार होते, त्यासाठी होळीच्या माळावर हेलिपॅडची व्यवस्था केली जाणार होती. परंतु अनेक शिवप्रेमींनी याला आक्षेप घेतल्याने त्यांनी रोपवेने येणार असल्याचे सांगितले आहे. ही माहिती खुद्द खा. संभाजीराजे यांनी दिली आहे. The President will come to Raigad by ropeway, not by helicopter; for respecting the feelings of devotees says MP Sambhaji Raje

प्रतिनिधी

मुंबई : भारताचे राष्ट्रपती रामनाथ कोविंद हे छत्रपती शिवाजी महाराजांच्या समाधीला अभिवादन करण्यासाठी दुर्गराज रायगडावर ६ डिसेंबर रोजी येणार आहेत. यासाठी आधी ते हेलिकॉप्टरने येणार होते, त्यासाठी होळीच्या माळावर हेलिपॅडची व्यवस्था केली जाणार होती. परंतु अनेक शिवप्रेमींनी याला आक्षेप घेतल्याने त्यांनी रोपवेने येणार असल्याचे सांगितले आहे. ही माहिती खुद्द खा. संभाजीराजे यांनी दिली आहे.

To pay his tributes to Chhatrapati Shivaji Maharaj the Hon’ble President is willing to overcome any circumstances. He has taken cognisance of the emotions of all Shivbhakts and decided to ascend the fort via Ropeway. I salute this Shivbhakti of the President.@rashtrapatibhvn

— Sambhaji Chhatrapati (@YuvrajSambhaji) December 4, 2021

हेलिकॉप्टरला झाला विरोध

रायगडावर होळीचा माळ आहे. या ठिकाणी छत्रपती शिवाजी महाराजांनी 1671 मध्ये होळीचा सण साजरा केल्याचे सांगितले जाते. 1996च्या आधीपर्यंत तिथे हेलिपॅड होते. परंतु बाजूलाच असलेल्या शिवाजी महाराजांच्या पुतळ्यावर हेलिकॉप्टरमुळे धूळ उडायची. यामुळे शिवप्रेमींनी विरोध करून तेथील हेलिपॅड काढायला लावला. आता राष्ट्रपतींच्या भेटीवेळीही त्याच ठिकाणी हेलिपॅड उभारण्याचे काम सुरू होते. परंतु याही वेळी शिवप्रेमींनी आक्षेप घेतला. यामुळे राष्ट्रपतींनी शिवभक्तांच्या भावनांचा आदर राखत रोपवेने रायगडावर येणार असल्याचे सांगितले आहे.

काय म्हणाले संभाजीराजे?

याबाबत खा. संभाजीराजे छत्रपती यांनी माहिती देत ट्वीट केले आहे. ते म्हणाले की, “छत्रपती शिवाजी महाराजांना अभिवादन करण्यासाठी कोणत्याही परिसथितीत दुर्गराज रायगडावर येण्याची इच्छा राष्ट्रपती महोदयांनी व्यक्त केली आहे. यासाठी शिवभक्तांच्या भावनेचा आदर राखत ते गडावर रोपवेने येणार आहेत. राष्ट्रपती महोदयांच्या या शिवभक्तीस मी सल्यूट करतो.”

तमाम मराठीजनांचा स्वाभिमान असलेल्या शिवरायांच्या दर्शनाला राष्ट्रपती रामनाथ कोविंद रायगडावर येत असल्याने ही सर्वांसाठी गौरवाची बाब आहे. दरम्यान, राष्ट्रपती खुद्द गडावर येणार असल्याने पोलिसांनी कडेकोट बंदोबस्त ठेवला आहे. पर्यटकांना दुर्गराज रायगडावर दि. ३ ते ७ डिसेंबर या काळात प्रवेश बंदीही करण्यात आली आहे.

The President will come to Raigad by ropeway, not by helicopter; for respecting the feelings of devotees says MP Sambhaji Raje