अमूलच्या दूधाचे दर वाढले दोन रुपयांनी; आजपासून दरवाढ लागू झाल्याची घोषणा । price of Amul milk will be increased by 2 rupees From 1st March

अमूलच्या दूधाचे दर वाढले दोन रुपयांनी; आजपासून दरवाढ लागू झाल्याची घोषणा

वृत्तसंस्था

मुंबई : अमूल फ्रेश मिल्कच्या दरात प्रति लिटर २ रुपयांनी वाढ झाली आहे. त्याची अंमलबजावणी १ मार्चपासून सुरु झाली आहे. गुजरात कोऑपरेटिव्ह मिल्क मार्केटिंग फेडरेशन अमूल या ब्रँडच्या नावाखाली दूध आणि दुग्धजन्य पदार्थांची विक्री करते. सर्व भारतीय बाजारपेठांमध्ये दुधाचे दर प्रति लिटर २ रुपयांनी वाढवण्याचा निर्णय घेतला आहे. price of Amul milk will be increased by 2 rupees From 1st March

ताज्या दुधाच्या श्रेणीसाठी दर वर्षी केवळ ४ टक्के वाढ केल्याचे अमूलचे म्हणणे आहे. गुजरातच्या अहमदाबाद आणि सौराष्ट्राच्या बाजारात अमूल सोनाचा भाव रु. ३० प्रति ५०० मिली, अमूल ताजा रु. २४ प्रति ५०० मिली, आणि अमूल शक्ती रु. २७ प्रति ५०० मिली, ब्रँडने स्पष्ट केले. “प्रति लिटर २ रुपयांची वाढ एमआरपीमध्ये ४ टक्क्यांनी वाढ झाली आहे.

अमूल दूध, LPG सिलिंडरच्या दरांमध्ये वाढ, बँकेचे शुल्कही वाढले, जाणून घ्या आजपासून काय-काय झालं महाग!

मागील २ वर्षांपासून, त्यांनी त्यांच्या ताज्या दुधाच्या श्रेणीसाठी दर वर्षी केवळ ४ टक्के वाढ केली आहे. ऊर्जा, पॅकेजिंग, लॉजिस्टिक्स, पशुखाद्याचा खर्च वाढल्यामुळे ही दरवाढ केल्याचे महामंडळाने स्पष्ट केले.