एकनाथ खडसेंच्या पत्नी मंदाकिनी पोहचल्या ईडी कार्यालयात , जमीन घोटाळ्याप्रकरणी चौकशी सुरू

पुण्यातील जमीन घोटाळ्याप्रकरणी संचालनालयाच्या अधिकाऱ्यांनी मंदाकिनी खडसे यांची चौकशी केली. Eknath Khadse’s wife Mandakini reached the ED office and started investigation into the land scam

विशेष प्रतिनिधी

मुंबई : राष्ट्रवादीचे नेते एकनाथ खडसे यांच्या पत्नी मंदाकिनी खडसे मंगळवारी ( आज, 2 नोव्हेंबर ) अंमलबजावणी संचालनालयाच्या कार्यालयात पोहोचल्या आहेत . पुण्यातील जमीन घोटाळ्याप्रकरणी संचालनालयाच्या अधिकाऱ्यांनी मंदाकिनी खडसे यांची चौकशी केली. मंदाकिनी यांचे वकील मोहन टेकवडे यांनी सांगितले की, पुण्यातील कथित जमीन घोटाळ्याच्या तपासात मंदाकिनी खडसे पूर्ण सहकार्य करत आहेत. याअंतर्गत त्या मंगळवारी अंमलबजावणी संचालनालयासमोर हजर झाल्या.

• खडसेंना दिवाळी होईपर्यंत दिलासा, प्रकृतीच्या कारणास्तव भोसरी भूखंड गैरव्यवहार प्रकरणात ८ नोव्हेंबरपर्यंत अंतरिम जामीन मंजूर

काय आहे न प्रकरण?

एकनाथ खडसे यांच्या पत्नी मंदाकिनी खडसे आणि जावाई गिरीश चौधरी यांनी २८ एप्रिल २०१६ रोजी भोसरी एमआयडीसी येथील सव्‍‌र्हे क्र. ५२/२ अ ही जमीन अब्बास रसुलभाई उकानी नामक मूळ जमीन मालकाकडून ३.७५ कोटी रुपयांना खरेदी केली. नोंदणी निबंधकांच्या कार्यालयात या व्यवहाराची रीतसर नोंद केली.

एमआयडीसीच्या ताब्यात असलेल्या व त्यांच्या मालकीच्या जमिनीचे खडसे कुटुंबीय सरकारी कागदोपत्री मालक झालेले आहेत. या सर्व व्यवहारात सुमारे ६१ कोटी रुपयांच्या महसुलाचं नुकसान झाल्याचं सकृतदर्शनी दिसून येत आहे. हा मोठा गैरव्यवहार असल्याचा ‘ईडी’ला संशय आहे.

Eknath Khadse’s wife Mandakini reached the ED office and started investigation into the land scam

महत्त्वाच्या बातम्या

• मंदिराच्या सोन्यावर डोळा ठेवणारे तामीळनाडूचे मुख्यमंत्री स्टॅलीन यांना न्यायालयाचा दणका, सोने वितळविण्यास केली मनाई
• अफगणिस्थानच्या विजयावर भारताच्या आशा, तरच पोहोचू शकतो उपांत्य फेरीत
• एलपीजी सिलिंडर २६५ रुपयांनी महागला; दिवाळीच्या तोंडावरच गॅसचा उडाला भडका
• राज्य सरकार साडेसात दिवसच टिकणार; केंद्रीय मंत्री नारायण राणे यांचे खळबळजनक विधान

Join WhatsApp Channel

Join WhatsApp Channel