Ashok Kharat : भोंदू अशोक खरातची नाशिक रोड तुरुंगात रवानगी; कोठडीतून आज ईडी ताब्यात घेणार

By, Pravin Wankhade - May 19, 2026 08:00:10

0

विशेष प्रतिनिधी

नाशिक : Ashok Kharat सिन्नर तालुक्यातील कुंदेवाडी येथील जगदंबा पतसंस्थेतील लाखो रुपयांच्या फसवणूक प्रकरणात अटकेत असलेले मुख्य संशयित अशोक खरात आणि पतसंस्थेचे संस्थापक नामकर्ण आवारे यांना न्यायालयाने न्यायालयीन कोठडी सुनावली आहे.Ashok Kharat

सोमवारी (दि. १८) पोलिस कोठडीची मुदत संपल्याने कडक बंदोबस्तात त्यांना सिन्नर न्यायालयात हजर करण्यात आले होते. तपासाच्या अनुषंगाने पोलिसांची वाढीव कोठडीची मागणी न्यायमूर्ती एल. सी. वाडीकर यांनी फेटाळून लावली असून, दोन्ही संशयितांची थेट नाशिकरोड मध्यवर्ती कारागृहात रवानगी करण्यात आली आहे.Ashok Kharat

महाराष्ट्रात मुख्यमंत्री फेलोशिपसाठी अर्ज प्रक्रिया सुरू; प्रशासनाच्या बरोबर काम करायची मोठी संधी

३२ बनावट खात्यांचे गूढ

स्वत:ला ‘कॅप्टन’ म्हणवून घेणाऱ्या भोंदू अशोक खरात याने कुंदेवाडीच्या जगदंबा पतसंस्थेत तब्बल ३२ बनावट बँक खाती उघडली होती. या खात्यांद्वारे लाखो रुपयांचे संशयास्पद आर्थिक व्यवहार करून फसवणूक केल्याचा गुन्हा सिन्नर पोलिसांत दाखल आहे. या गुन्ह्यात गेल्या आठवड्यात पोलिसांनी खरातचा नाशिक रोड कारागृहातून ताबा घेतला होता, तर आवारे यांना त्यांच्या मुसळगाव कार्यालयातून अटक केली होती. पोलिसांची वाढीव कोठडीची मागणी न्यायमूर्ती एल. सी. वाडीकर यांनी फेटाळून लावली असून, दोन्ही संशयितांची थेट नाशिकरोड मध्यवर्ती कारागृहात रवानगी करण्यात आली आहे.

पोलिसांनंतर ईडीचा ससेमिरा

खरातच्या अडचणीत आणखी वाढ झाली आहे. न्यायालयीन कोठडी सुनावल्यानंतर ईडीने नाशिक न्यायालयात खरातचा ताबा घेण्यासाठी अर्ज दाखल केला. अतिरिक्त मुख्य न्यायदंडाधिकारी देवकर यांच्या न्यायालयाने खरातचा ताबा ईडीकडे देण्याचे आदेश दिले. कोणत्याही क्षणी ईडीचे पथक मध्यवर्ती कारागृहातून खरातचा ताबा घेणार आहे. खरातविरोधात ईडीने मुंबईमध्ये गुन्हा दाखल केला आहे.