मोठी बातमी : जालन्यातील शेतकऱ्यांचा अजित पवार, शिवसेनेच्या खोतकरांवर गंभीर आरोप, साखर कारखान्यातून अन्नदात्याची घोर फसवणूक

By, shreekant patil - January 25, 2022 04:30:56

0

Big news Jalna farmers serious allegations against Shiv Sena Leader Arjun Khotkar and Ajit Pawar, Big fraud from Ramnagar sugar factory

Ramnagar sugar factory : देशातील सहकार क्षेत्रात भ्रष्टाचाराच्या बातम्या नवीन नाहीत. सहकारी साखर कारखाने अवसायनात घालणाऱ्या राजकारण्यांचे प्रपंच वेळोवेळी उघड झाले आहेत. अशाच एका प्रकाराची चर्चा आता देशभरात सुरू आहे. ‘टाइम्स नाऊ नवभारत’ने शेतकऱ्यांसोबतची सर्वात मोठी फसवणूक उघडकीस आणली आहे. या खुलाशात 8000 शेतकर्‍यांच्या जमिनी नेत्यांनी हळुहळू कशा बळकावल्या हे सांगण्यात आले. या संपूर्ण प्रकरणात महाराष्ट्राचे उपमुख्यमंत्री अजित पवार यांच्यावर प्रश्न उपस्थित केले जात आहेत. याशिवाय जालन्यातील शिवसेना नेते अर्जुन खोतकर यांचेही नाव त्यात आहे. Big news Ajit Pawar of Jalna farmers, serious allegations against Shiv Sena’s Khotkars, gross fraud of food provider from sugar factory

प्रतिनिधी

मुंबई : देशातील सहकार क्षेत्रात भ्रष्टाचाराच्या बातम्या नवीन नाहीत. सहकारी साखर कारखाने अवसायनात घालणाऱ्या राजकारण्यांचे प्रपंच वेळोवेळी उघड झाले आहेत. अशाच एका प्रकाराची चर्चा आता देशभरात सुरू आहे. ‘टाइम्स नाऊ नवभारत’ने शेतकऱ्यांसोबतची सर्वात मोठी फसवणूक उघडकीस आणली आहे. या खुलाशात 8000 शेतकर्‍यांच्या जमिनी नेत्यांनी हळुहळू कशा बळकावल्या हे सांगण्यात आले. या संपूर्ण प्रकरणात महाराष्ट्राचे उपमुख्यमंत्री अजित पवार यांच्यावर प्रश्न उपस्थित केले जात आहेत. याशिवाय जालन्यातील शिवसेना नेते अर्जुन खोतकर यांचेही नाव त्यात आहे.

महाराष्ट्र की जालना चीनी मिल पर एक समय पर वहां के किसानों का मालिकाना हक था। लेकिन एनसीपी के नेताओं की जालसाजी से किसानों की इस फैक्ट्री पर अब ताला लग गया है।

देखिए, महाराष्ट्र के हजारों किसानों के साथ धोखेबाजी करने वाले एनसीपी और शिवसेना के नेताओं की पोल खोलती ये रिपोर्ट। pic.twitter.com/WJeJU99Kqw

— BJP (@BJP4India) January 24, 2022

राष्ट्रवादीचे बडे नेते व उपमुख्यमंत्री अजित पवार यांनी शेतकऱ्यांचे सर्वस्व लुटले, असे काहींनी म्हटले, तर काहींनी राष्ट्रवादीसोबत शिवसेनेनेही त्यांचे आयुष्य उद्ध्वस्त केल्याचे सांगितले आहे.

मुंबईपासून ४०० किमी अंतरावर असलेल्या महाराष्ट्रातील जालना जिल्ह्यातील सहकारी साखर कारखान्यावर टाइम्स नाऊ नवभारतने स्पेशल रिपोर्ट केला आहे. बाळासाहेब पवार हे 80च्या दशकात जालना मतदारसंघातून काँग्रेसचे खासदार होते. त्यांनीच चार दशकांपूर्वी जालन्यातील रामनगर साखर कारखाना सहकाराच्या माध्यमातून उभारण्याची योजना आखली होती. यामध्ये ७८६१ शेतकरी सहभागी झाले, त्यांनी कर्ज काढून आणि दागिने विकून कारखाना उभारला. 7 कोटी 52 लाखांची भर पडली. शेतकऱ्यांनी 175 एकर जमीन यात दिली, सरकारने 100 एकर जमीन दिली. शासनाने 4 कोटी 3 लाख रुपयांचा निधी दिला. हा कारखाना 10 वर्षे यशस्वीपणे चालला. पण 1997-1998 मध्ये अजित पवारांची एन्ट्री झाली, संचालक मंडळ बदलले. ताब्यात घेण्याचा डाव येथूनच रचला गेला, आणि पाहता पाहता सुमारे 8 हजार शेतकऱ्यांचे सर्वस्व उद्ध्वस्त झाले.

देशातील आंदोलनाचा सर्वात मोठा चेहरा असलेले समाजसेवक अण्णा हजारे यांच्या म्हणण्यानुसार महाराष्ट्रात 49 साखर कारखाने बंद आहेत. 25 हजार कोटींचा भ्रष्टाचार झाला आहे. एका कारखान्यात सरासरी 6 हजार शेतकरी सामील झाले आणि सुमारे 3 लाख शेतकरी फसवणुकीचे बळी ठरले.

टाइम्स नाऊने दावा केलाय की, जालन्यातील रामनगर साखर कारखान्याशी संबंधित कागदपत्रे आणि त्यांच्याकडे आहेत. त्यांच्या म्हणण्यानुसार जालन्यातील रामनगर साखर कारखान्यात 1997-98 पासून भ्रष्टाचाराचा हा खेळ सुरू होता. जो कारखान्याच्या लिलावापर्यंत पोहोचला आणि नंतर प्रॉक्सी कंपनीच्या माध्यमातून हा कारखाना संचालक मंडळावर असलेले शिवसेना नेते अर्जुन खोतकर यांनी विकत घेतला.

गत महिन्यातच खोतकरांवर ईडीची धाड

शिवसेनेचे ज्येष्ठ नेते अर्जुन खोतकर यांच्या जालना येथील निवासस्थानावर अंमलबजावणी संचालनालयाच्या (ईडी) पथकाने गत महिन्यात छापा टाकला. 12 अधिकाऱ्यांनी त्यांच्या घराची झडती घेतली होती. अर्जुन खोतकर हे कृषी उत्पन्न बाजार समितीचे सभापतीही आहेत. येथेही ईडीचे पथक तपासासाठी पोहोचले होते.

याच संबंधाने औरंगाबादमधील एका उद्योगपती आणि व्यावसायिकाच्या घरावरही ईडीचे छापे पडले. ते खोतकर यांच्याशी संबंधित असल्याचे सांगण्यात आले. काही दिवसांपूर्वी भाजप नेते किरीट सोमय्या यांनी अर्जुन खोतकर यांच्यावर जालना सहकारी साखर कारखाना बेनामी पद्धतीने खरेदी करण्याच्या नावाखाली 100 कोटींचा घोटाळा केल्याचा आरोप केला होता.

मुंबईचे सहपोलीस आयुक्त विश्वास नांगरे पाटील यांच्या पत्नी आणि सासरे यांचाही खोतकरांनी खरेदी केलेल्या साखर कारखान्यात भागधारक असलेल्या कंपनीत सहभाग असल्याचे सोमय्या यांनी उघड केले होते.

सोमय्यांकडून खोतकरांविरोधातील पुरावे ईडीकडे सादर

सोमय्या म्हणाले होते की, खोतकर यांनी जालना जिल्ह्यातील रामनगर साखर कारखान्याच्या मदतीने 100 कोटींचा घोटाळा केला आहे. या घोटाळ्याची पुराव्यासह ईडी, आयकर विभाग, ठाकरे सरकार आणि केंद्र सरकारच्या सहकार मंत्रालयाकडे तक्रार करण्यात आली आहे. खोतकर यांनी निनावीपणे रामनगर साखर कारखाना स्वत:च्या पैशाने विकत घेतला आहे.

2012 मध्ये खोतकर साखर कारखान्याच्या मदतीने 100 कोटींचा घोटाळा करण्याचा कट रचल्याचे त्यांनी सांगितले होते. हा घोटाळा कसा झाला याची सर्व माहिती पुराव्यासह ईडी आणि आयकरला देण्याचेही त्यांनी बोलले होते.

सोमय्या म्हणाले होते की, खोतकर यांनी साखर कारखान्याच्या जमिनीवर कॉम्प्लेक्स बांधण्याचा कट रचला होता. आज साखर कारखान्याच्या जमिनीची किंमत 1 हजार कोटींहून अधिक आहे. रामनगर साखर कारखान्यातील घोटाळ्याबाबत शेतकऱ्यांनी माझ्याकडे तक्रार केल्यानंतर मी सर्व पुरावे गोळा करून 100 कोटींचा घोटाळा बाहेर काढला. या घोटाळ्याची चौकशी सुरू आहे. या घोटाळ्यात आणखी कारवाई होईल, असा दावाही किरीट सोमय्या यांनी यापूर्वीच केला होता.

ठाकरे सरकारमधील 23 मंत्र्यांची चौकशी सुरू

ठाकरे-पवार सरकारकडून महाराष्ट्र लुटण्याचे षडयंत्र रचले जात असल्याचेही सोमय्या म्हणाले. वसुली प्रकरणात सरकारचे गृहमंत्री तुरुंगात आहेत. उद्धव ठाकरे सरकारमधील २३ मंत्री, नेते आणि अधिकाऱ्यांची चौकशी सुरू असल्याचेही सोमय्या यांनी म्हटले आहे.

Big news Jalna farmers serious allegations against Shiv Sena Leader Arjun Khotkar and Ajit Pawar, Big fraud from Ramnagar sugar factory

महत्त्वाच्या बातम्या