विजय अर्जेंटिनाचा, जल्लोष कोल्हापूरात

By, Sachin Deshmukh - July 11, 2021 01:38:31

0

खंडोबा तालमीच्या पोरांचे सेलिब्रेशन Argentina Beat’s Brazil by 1-0 in kopa America football league, victory of Argentina celebrated in Kolhapur

विशेष प्रतिनिधी

रिओ दि जानेरो : कोपा अमेरिका फुटबॉल स्पर्धेच्या अंतिम सामन्यात अर्जेंटिनानं ब्राझीलला धूळ चारत १-० अशा फरकानं विजेतेपदावर नाव कोरलं. कोपा अमेरिका स्पर्धेचा किताब आपल्या नावे केला. फुटबॉलची पंढरी असलेल्या ब्राझीलची राजधानी री रिओ दि जानेरो मधील ऐतिहासिक मराकाना स्टेडियमध्ये ही लढत झाली. त्या विजयाचा जल्लोष कोल्हापुरात साजरा झाला. खंडोबा तालमीच्या पोरांनी नृत्य करून सेलिब्रेशन केले.

तब्बल २८ वर्षांनंतर कोपा अमेरिका स्पर्धेचा किताब अर्जेंटिनाने जिंकला. यापूर्वी १९९३ मध्ये अर्जेंटिनानं हा किताब आपल्या नावे केला होता. फुलबॉलप्रेमींच्या अपेक्षेप्रमाणेच सामना चुरशीचा झाला. या विजयासह अर्जेंटिनानं १५ वेळा किताब जिंकण्याच्या उरुग्वेच्या विक्रमाशीही बरोबरी केली आहे.

मराठी पगल्या चित्रपटाचा मॉस्कोमध्ये डंका, सर्वोत्तम परदेशी भाषा चित्रपटाचा पुरस्कार

कोपा अमेरिका स्पर्धेत ब्राझील आणि अर्जेंटिना हे दोन संघ या चषकासाठी प्रबळ दावेदार मानले जात होते. त्यामुळे दोन्ही संघाकडून विजेतेपद पटकावण्यासाठी कडवी झुंज दिली.दोन्ही संघांकडून कडवा प्रतिकार बघायला मिळाला.

लिओनेल मेस्सीच्या नेतृत्वाखाली खेळणारा अर्जेंटिना आणि नेमारचा ब्राझील संघ हे पारंपरिक प्रतिस्पर्धी अंतिम फेरीत दाखल झाल्यानं संपूर्ण फुटबॉल जगताचं लक्ष या सामन्याकडं होतं. फुलबॉलप्रेमींच्या अपेक्षेप्रमाणेच सामना चुरशीचा झाला. सामन्यातील पहिल्या २० मिनिटांत दोन्ही संघात झुंज बघायला मिळाली.

दोन्हीकडून तोडीस तोड प्रतिकार केला. गोलपोस्टपर्यंत पोचताच आलं नाही. पण, २२ व्या मिनिटाला एंजल डी. मारिया संघाच्या मदतीला धावला. मारियाने पहिला गोल नोंदवत अर्जेंटिनाला १-० अशी आघाडी मिळवून दिली. अर्जेंटिनाने सामन्यात घेतलेली ही आघाडी ब्राझीलला अखेरपर्यंत तोडता आली नाही.