वृत्तसंस्था
सना : येमेनमध्ये 2017 पासून तुरुंगात असलेल्या भारतीय नर्सच्या मृत्यूदंडाच्या शिक्षेचा धोका वाढला आहे. येथील सर्वोच्च न्यायालयाने शिक्षेविरोधात दाखल केलेले अपील फेटाळले आहे.Indian nurse sentenced to death in Saudi, appeal also rejected; Yemen Court Judgment; Option to provide compensation to the families of the deceased
मूळची केरळची असलेल्या या परिचारिकेचे नाव निमिषा प्रिया आहे. तलाल अब्दो मेहदी नावाच्या व्यक्तीला कथितरित्या बेशुद्धीचे इंजेक्शन देऊन त्याची हत्या केल्याप्रकरणी ती दोषी आढळली आहे. त्याच्याकडे निमिषाचा पासपोर्ट होता आणि तो परत मिळवून तिला भारतात परतायचे होते म्हणून निमिषाने तलालची हत्या केली.
येमेनमध्ये गृहयुद्ध सुरू आहे. भारतीयांना तिथे जाण्यास बंदी आहे. प्रियाची आई तिकडे जाऊन खून झालेल्या व्यक्तीच्या कुटुंबाला भरपाई देऊन आपल्या मुलीचा जीव वाचवू शकते, मात्र ते इतके सोपे नाही.
काय आहे प्रकरण?
रिपोर्टनुसार- निमिषा 12 वर्षांपूर्वी येमेनला गेली होती. तिचा नवरा आणि मुलगी 2014 मध्ये भारतात परतले. निमिषा नोकरीमुळे परत येऊ शकली नाही. वास्तविक, तिने तलाल अब्दो मेहदी (मृत) या येमेनच्या नागरिकासह हॉस्पिटल सुरू केले होते.
काही वेळाने दोघांमध्ये वाद सुरू झाला. तलालने निमिषाचा पासपोर्ट हिसकावून स्वतःकडे ठेवला. निमिषाने याविषयी येमेनच्या अधिकाऱ्यांकडे तक्रार केली तेव्हा तलालने त्यांना सांगितले की तो निमिषाचा नवरा आहे. हा पती-पत्नीमधील वाद असून आम्ही हस्तक्षेप करणार नसल्याचे अधिकाऱ्यांनी सांगितले.
25 जुलै 2017 रोजी निमिषाने तलालला आपला पासपोर्ट मिळेल आणि भारतात परत येईल या विचाराने तलालला भूल देण्याचे इंजेक्शन दिले पण तलालचा मृत्यू झाला.
निमिषाने दुसऱ्या व्यक्तीच्या मदतीने तलालच्या मृतदेहाची विल्हेवाट लावली. चार दिवसांनी हे प्रकरण उघडकीस आले आणि निमिषाला अटक करण्यात आली. निमिषाला मृत्यूदंडाची शिक्षा झाली. तिच्या साथीदाराला जन्मठेपेची शिक्षा झाली. तेव्हापासून हे प्रकरण चर्चेत आहे.
To be published, comments must be reviewed by the administrator.*
Our website uses cookies to improve your experience. Learn more
Download App