मोठी बातमी : एनएसईचे माजी ग्रुप ऑपरेटिंग ऑफिसर आनंद सुब्रमण्यम यांना सीबीआयकडून अटक, अज्ञात योग्याच्या सल्ल्याने झाली होती नियुक्ती!

By, Pravin Wankhade - February 25, 2022 04:15:09

0

सीबीआयने NSEचे माजी ग्रुप ऑपरेटिंग ऑफिसर आनंद सुब्रमण्यम यांना शुक्रवारी चेन्नई येथून अटक केली आहे. सीबीआयने गेल्या आठवड्यातच सुब्रमण्यम यांची चौकशी केली होती. एका स्टॉक ब्रोकरने अनियमिततेचे आरोप केले होते, त्या संदर्भात सीबीआयने आनंद सुब्रमण्यम यांची चौकशी केली होती.Big News Former NSE Group Operating Officer Anand Subramaniam was arrested by CBI and appointed on the advice of an unknown person!

वृत्तसंस्था

नवी दिल्ली : सीबीआयने NSEचे माजी ग्रुप ऑपरेटिंग ऑफिसर आनंद सुब्रमण्यम यांना शुक्रवारी चेन्नई येथून अटक केली आहे. सीबीआयने गेल्या आठवड्यातच सुब्रमण्यम यांची चौकशी केली होती. एका स्टॉक ब्रोकरने अनियमिततेचे आरोप केले होते, त्या संदर्भात सीबीआयने आनंद सुब्रमण्यम यांची चौकशी केली होती.

पीटीआय या वृत्तसंस्थेच्या वृत्तात अधिकाऱ्यांच्या हवाल्याने सांगण्यात आले की, सुब्रमण्यम यांची चेन्नईत सीबीआय अधिकाऱ्यांनी तीन दिवस चौकशी केली. यावेळी त्यांच्याकडून NSE च्या ग्रुप ऑपरेटिंग ऑफिसरवर नेमणूक कशी झाली हे जाणून घेण्याचा प्रयत्न करण्यात आला. याशिवाय तत्कालीन व्यवस्थापकीय संचालक आणि सीईओ चित्रा रामकृष्ण यांच्याशी त्यांचे संबंध असल्याचीही चौकशी करण्यात आली होती.

Bengal Violence : झारग्राममधील भाजप नेत्याच्या खून प्रकरणातील फरार आरोपींवर सीबीआयकडून 50 हजारांचे बक्षीस जाहीर

नुकत्याच आलेल्या सेबीच्या अहवालात एनएसईच्या कारभारातील त्रुटी निदर्शनास आणून दिल्यानंतर सुब्रमण्यम प्रकरणाच्या चौकशीचा विस्तार करण्यात आला. सीबीआयने 11 फेब्रुवारी रोजी जारी केलेल्या सेबीच्या अहवालातून काही “नवीन तथ्यां” संदर्भात एनएसईचे माजी सीईओ चित्रा आणि रवी नारायण यांचीदेखील चौकशी केली होती.

सेबीने आपल्या अहवालात म्हटले आहे की, चित्रा अज्ञात योगींच्या सल्ल्यानुसार निर्णय घेत असत आणि त्यांच्या सांगण्यावरून सुब्रमण्यम यांना सल्लागार आणि समूह संचालन अधिकारी बनवले होते. हा व्यवसायाचा गंभीर भंग असल्याचे लक्षात घेऊन चित्रा यांच्यावर ३ कोटी आणि सुब्रमण्यम यांना २ कोटी रुपयांचा दंड ठोठावण्यात आला आहे.