Balaji Temple in Jammu : जम्मू-काश्मीर प्रशासनाने गुरुवारी मंदिर आणि संबंधित इमारतींच्या बांधकामासाठी तिरुमाला तिरुपती देवस्थानम (टीटीडी) ला जवळपास 25 हेक्टर जमीन 40 वर्षांसाठी भाडेतत्त्वावर देण्याच्या प्रस्तावाला मंजुरी दिली. TTD Sansthanam will build Balaji Temple in Jammu, land leased for 40 years
विशेष प्रतिनिधी
जम्मू : जम्मू-काश्मीर प्रशासनाने गुरुवारी मंदिर आणि संबंधित इमारतींच्या बांधकामासाठी तिरुमाला तिरुपती देवस्थानम (टीटीडी) ला जवळपास 25 हेक्टर जमीन 40 वर्षांसाठी भाडेतत्त्वावर देण्याच्या प्रस्तावाला मंजुरी दिली.
नायब राज्यपाल मनोज सिन्हा यांच्या अध्यक्षतेखाली झालेल्या प्रशासकीय समितीच्या बैठकीत ही मान्यता देण्यात आली आहे. एका सरकारी प्रवक्त्यानुसार, 25 हेक्टर जमिनीवर भाविकांच्या सोयीसाठी एक कॅम्पस, वेद पाठशाळा, आध्यात्मिक / योग केंद्र, एक कार्यालय, निवासी परिसर आणि पार्किंग क्षेत्र असेल.
ते म्हणाले की, भविष्यात वैद्यकीय व शिक्षण केंद्रेही बांधली जातील. तामिळनाडू सरकारने टीटीडी अधिनियम 1932 अन्वये टीटीडीची स्थापना केली आहे. ही एक सेवाभावी संस्था आहे आणि आध्यात्मिक, सांस्कृतिक, सामाजिक आणि शैक्षणिक क्षेत्रांमध्ये उपक्रम राबवते.
प्रवक्त्यांच्या म्हणण्यानुसार, जम्मू-काश्मीरमध्ये टीटीडीच्या आगमनामुळे पर्यटन क्षेत्रात वाढ होईल. विशेषत: जम्मूला मंदिरांचे शहर म्हणूनही ओळखले जाते, त्यामुळे भाविकांच्या पर्यटनात वाढ होईल. पर्यटनात वाढ झाल्याने आर्थिक उलाढालीही वाढतील.
TTD Sansthanam will build Balaji Temple in Jammu, land leased for 40 years
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more