अमेरिकेने समजून घेतली भारताची औषधाची गरज, लवकरच कच्चा मालाचा पुरवठा करण्याचे आश्वासन

By, Pravin Pawar - April 21, 2021 07:17:29

0

भारताची औषधाची गरज आम्ही समजू शकतो असे म्हणत अमेरिकेने लवकरच औषध निर्मितीसाठी कच्चा माल पुरविण्याची तयारी दर्शविली आहे. कोरोना प्रतिबंधक लसीसाठी अनेक प्रकारचा कच्चा माल अमेरिकेहून आयात होतो. मात्र, अमेरिकेने देशांतर्गत गरज भागविण्यासाठी निर्यातीवर बंधने आणणारा कायदा आणल्याने कच्चा मालाच्या निर्यातील बंदी घातली आहे.’

विशेष प्रतिनिधी

नवी दिल्ली : भारताची औषधाची गरज आम्ही समजू शकतो असे म्हणत अमेरिकेने लवकरच औषध निर्मितीसाठी कच्चा माल पुरविण्याची तयारी दर्शविली आहे. कोरोना प्रतिबंधक लसीसाठी अनेक प्रकारचा कच्चा माल अमेरिकेहून आयात होतो. मात्र, अमेरिकेने देशांतर्गत गरज भागविण्यासाठी निर्यातीवर बंधने आणणारा कायदा आणल्याने कच्चा मालाच्या निर्यातील बंदी घातली आहे. The US understood India’s need for medicine, promising to supply raw materials soon

अमेरिकेचे माजी अध्यक्ष डोनाल्ड ट्रंप यांच्या काळापासूनन अमेरिकेत वॉरटाईन डिफेन्स प्रॉडक्शन अ‍ॅक्ट (डीपीए) लागू आहे. या कायद्यामुळे अमेरिकेतील कंपन्यांसाठी देशांतर्गत गरज भागविणे बंधनकार असते. अमेरिकेला कोरोनाचा मोठा फटका बसल्याने येथील कंपन्यांनी आपली सर्व संसाधने देशातील लोकांसाठी वापरण्या सुरूवात केली आहे.

राहुल गांधींना कोरोनाची लागण, पंतप्रधान मोदींनी लवकर बरे होण्याची व्यक्त केली कामना!

अमेरिकेत फायझर आणि मॉडर्नाया दोन कोरोना प्रतिबंधक लसी बनत आहेत. संपूर्ण लोकसंख्येचे लसीकरण करण्याचा अमेरिकेचा निर्धार आहे. त्यामुळे कोरोना लसीसाठी लागणाºया कच्चा मालाची गरज वाढली आहे. त्यामुळे सीरम इन्स्टिट्यूटचे मुख्य कार्यकारी अधिकारी आदर पूनावाला यांनी अमेरिकेचे अध्यक्ष जो बायडेन यांच्याकडे कच्चा मालाचा पुरवठा करावा अशी विनंती केली होती.

भारताचे अमेरिकेतील राजदूत तरणजित सिंग संधू यांनी नुकतीच अमेरिकेच्या प्रशासनाशी चर्चा सुरू केली आहे. कोरोना लसीसाठी लागणारा कच्च माल पुरवावा अशी मागणी त्यांनी केली.