आरोपींनी फसवणूक करून खातेदाराचे चेकबुक मिळवले होते, जे परत मिळाले आहे.आरोपीने खातेधारकाच्या यूएस मोबाईल क्रमांकासारखा नंबरही खरेदी केला होताHDFC Bank Account Violations: 12 Arrested For Illegal Withdrawals
वृत्तसंस्था
नवी दिल्ली : एनआरआय व्यक्तीच्या बँक खात्यातून बेकायदेशीरपणे पैसे काढण्याचा प्रयत्न केल्याबद्दल तीन एचडीएफसी कर्मचाऱ्यांसह १२ जणांना अटक करण्यात आली आहे. पोलिसांनी मंगळवारी ही माहिती दिली. बँकेने या प्रकरणातील आरोपी कर्मचाऱ्यांना निलंबित केले आहे.
केपीएस मल्होत्रा, पोलिस उपायुक्त (डीसीपी), दिल्ली पोलिसांच्या सायबर सेलने सांगितले की, या प्रकरणात तीन एचडीएफसी कर्मचाऱ्यांसह १२ लोकांना अटक करण्यात आली आहे. या लोकांनी या खात्यातून बेकायदेशीर ऑनलाईन व्यवहार करण्याचे ६६ प्रयत्न केले.
ते म्हणाले की, आरोपींनी फसवणूक करून खातेदाराचे चेकबुक मिळवले होते, जे परत मिळाले आहे. आरोपीने खातेधारकाच्या यूएस मोबाईल क्रमांकासारखा नंबरही खरेदी केला होता.
बँकेने एक निवेदन जारी केले की आमच्या प्रणालीच्या काही खात्यांवर व्यवहार करण्याचे अनधिकृत आणि संशयास्पद प्रयत्न लक्षात आले.आमच्या यंत्रणेने आम्हाला सूचित केले.यानंतर आम्ही पुढील कारवाईसाठी अंमलबजावणी संस्थांना कळवले आणि गुन्हा दाखल केला.बँकेने सांगितले की, एफआयआरच्या आधारे पोलिसांनी बँक कर्मचाऱ्यांसह सर्व संशयितांना अटक केली आहे.आम्ही चौकशी पूर्ण होईपर्यंत आरोपी बँक कर्मचाऱ्यांना निलंबित केले आहे.या तपासात बँक एजन्सींना पूर्ण सहकार्य करत आहे.
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more