पश्चिम बंगालमध्ये कुरुघोडीचे राजकारण शिगेला, सुवेंदू अधिकारींविरुद्ध एफआयआर दाखल|FIR against Adhikari brothers

पश्चिम बंगालमध्ये कुरुघोडीचे राजकारण शिगेला, सुवेंदू अधिकारींविरुद्ध एफआयआर दाखल

विशेष प्रतिनिधी

कोलकता : पश्चिम बंगालमधील पूर्व मिदनापूर जिल्ह्यातील महापालिकेच्या कार्यालयातून लाखो रुपयांचे मदत साहित्य चोरल्याच्या आरोपावरून भारतीय जनता पक्षाचे नेते सुवेंदू अधिकारी आणि त्यांच्या बंधूंविरुद्ध एफआयआर दाखल करण्यात आला.FIR against Adhikari brothers

नुकत्याच झालेल्या विधानसभा निवडणुकीत सुवेंदू अधिकारी यांनी ममतादीदींचा पराभव केला होता. निवडणुका होवूनही अजून राज्यातील राजकीय वातावरणातील तणाव कमी झाला नसल्याचे आणि कुरघोडीचे राजकारण सुरु राहणार असल्याचे संकेत आजच्या कारवाईने मिळत आहेत.

पश्चिम बंगालमध्ये आणखी एका भाजपा कार्यकर्त्याचा मृत्यू, बॉम्ब फेकून केली हत्या

कांथी म्युन्सिपल अॅडमिनिस्ट्रेटिव्ह बोर्डाचे सदस्य रत्नदीप मन्ना यांनी ही तक्रार दाखल केली आहे. सुवेंदू अधिकारी आणि त्यांचे बंधू सौमेंदू अधिकारी यांच्या सूचनेनुसार २९ मे २०२१ रोजी गोदामाचे कुलूप उघडण्यात आले.

त्यातून सरकारी मालकीची लाखो रुपयांची ताडपत्री व मदतसाहित्य चोरण्यात आले, असे एफआयआरमध्ये नमूद केले आहे. दोघा अधिकारी बंधूंनी साहित्य पळविण्यासाठी केंद्रीय सुरक्षा दलांच्या जवानांची मदत घेतली, असेही आफआयआरमध्ये म्हटले आहे.

भारतीय जनता पक्षाने हे आरोप फेटाळून लावले आहेत. सुवेंदू अधिकारी यांनी याबाबत कोणतीही प्रतिक्रिया अद्याप दिलेली नाही.