कॅप्टन अमरिंदर सिंग करणार नवीन पक्ष स्थापन, कॉंग्रेस विरोधात भाजपसह इतर पक्षांची आघाडी|Capt Amarinder Singh will form a new party, will form front of BJP and other parties against the Congress

कॅप्टन अमरिंदर सिंग करणार नवीन पक्ष स्थापन, कॉंग्रेस विरोधात भाजपसह इतर पक्षांची आघाडी

विशेष प्रतिनिधी

अमृतसर : पंजाबचे माजी मुख्यमंत्री कॅप्टन अमरिंदर सिंग नवीन पक्ष स्थापन करणार आहेत. कॉंग्रेस विरोधात भाजपसह इतर पक्षांची आघाडी करणार आहेत.कॅप्टन अमरिंदर यांचे माध्यम सल्लागार रवीन ठुकराल यांनी ट्वीट करत ते नवीन पक्ष स्थापन करणार असल्याची माहिती दिली.Capt Amarinder Singh will form a new party, will form front of BJP and other parties against the Congress

कॅप्टन अमरिंदर सिंग यांचा हवाला देत त्यांनी एक ट्वीट केलं. त्यांनी म्हटलं आहे की, ‘पंजाबच्या भविष्याची लढाई सुरू आहे. मी लवकरच स्वतःच्या नवीन राजकीय पक्षाची घोषणा करणार आहे. हा पक्ष पंजाबमधील लोकांच्या आणि शेतकऱ्यांच्या हितासाठी काम करेल, जे मागील एका वर्षापासून संघर्ष करत आहेत’, असं अमरिंदर सिंग यांनी म्हटलं आहे.

कॅ. अमरिंदर सिंग यांच्यासोबत पत्नी आणि मुलगाही नाही, आमदारकी सोडण्यास नाही तयार

नवज्योत सिंग सिद्धू गटामुळे मुख्यमंत्रीपदावरून पायउतार व्हावं लागलेल्या कॅप्टन अमरिंदर सिंग यांनी अखेर काँग्रेसला राम राम ठोकला. कॅप्टन अमरिंदर सिंग यांनी मंगळवारी नवीन पक्ष स्थापन करणार असल्याची घोषणा करत काँग्रेसमधून बाहेर पडत असल्याचं अप्रत्यक्षपणे स्पष्ट केले.